دموع الشقاوي .........

راجت دموع الشقاوي بعينه واحترق= يوم شبت داخل الجوف من غليونها
الهوى عاتي والاشواق موج ن يصطفق = والليال اللي تعنيك هز سكونها
ماعلى العاشق ملامة ليا حب وعشق = بوح خل الناس تشبع فضول عيونها
عقد حبك ياهوى البال فالقلب انوثق = والحريمة عقب شوفك غدن ظعونها
آه من عينن سهمها على قلبي زرق = وانثنى بين المحاني وفج ركونها
يا وجودي ياوجودي على حليا الشفق = والبروق اللي تكاشف فبيض مزونها
والشموس اللي سناها على الدنيا شعق = من وراها الصبح الابلج وليلي دونها
الهوى ثارن دعاني وزير الحب دق = والطروق الكايدة قمت اجر لحونها
ليه ياورد الهنا ماتزيد من العبق = خل روحي من عبيرك تزيل شجونها
انته آخر من عشقته واول من صدق = ولا شقاني غير عينك وكثر طعونها
من سبق قال المثل ياشقى عمري لبق = وجند حسنك صرت في غفلة ن مرهونها
قانص ن قلبي بليا فخاخ ولافشق = اشهد ان العين ترمي ولايرمونها