لحن جديد : حتى أنسجن من سبب جوره ................فواز وماهر & وبيان و عبد العزيز

السلام عليكم ورحمة الله وبركاته


الأخوة الكرام الأفاضل الشعراء

تم لقاء اخوي تحت ضياء البدر مع نسيم الليل الساحر


بين كل من : ( بيان الصمت .... عبد العزيز الزويهري
.... فواز الزويهري .... ماهر أبو خالد ))


وعند الإلتقاء هااااااجم فواز الزويهري

بيان الصمت وماهر أبو خالد بهذه الكسرة

سلام وبعد السلام عتاب = من راي مثل السهم فالسوق
بيان وماهر صحيح أحباب=لكن بعض الليالي طفوق

وجاء الرد من بيان الصمت ( هجمه مرتدة هههه )

ترحيب مادون الكتاب =مثبوت فعلك بلا منطوق
الخل يبدي من الأصحاب= وحين الحقيقه هناك فرق

وهذه الكسرة لعبد العزيز الزويهري وكان الرد ما بيان الصمت

بعد اتفقنا سوى فالراي =وش الذي أخلف النيه
أصبحت فالدرب رايح جاي=كن استلامي فدوريه
دام إني ثابت على مبداي=مالي معاذير ملويه
عندي فسجلك علامة فاي =ونبغى المواعيد فورية

بعد ذلك دار هذا اللحن المشترك
بين ( فواز الزويهري وماهر أبو خالد & بيان الصمت و عبد العزيز الزويهري )

في ماضي الوقت قلبي كان = يمضي على العين دستوره
واليوم عدت عليه أزمان =حتى أنسجن من سبب جوره
للوقت مايختلف ميزان=فيه الشهادات منظوره
القلب يحمل كثير أوزان =وبالتالي منها أختلف شوره
معلوم قولك وله برهان = من واقع الحال منشوره
كيف البصر يخلف السلطان=اللي من أول علا سوره
اللي تستر ورى الطغيان =مفضوح بالصوت والصوره
ماكل منهو قرا القرآن =طبق معانيه في سوره
قلب المولع كثير احزان =منكور من ناس مغروره
ماتدري إن الهوى طوفان =فيه المقادير مستوره
اللي انزرع داخل الوجدان =مادام ماهو لمقدوره
محال يجبر عليه انسان=ياقف على حدود محظوره