ديوان الشاعر عبدالرحمن سليم سلمان الاحمدي ( ابوتركي)

سلام ما آثر عليه ارسال = دايم على الراس مرفوعي
سلام ياصالح الأعمال = يا منجحه كل مشروعي
ترحيب يا راقي الأمثال=وبطيِّب الفال مشفوعي
في مثلكم تنتخي الأجيال=نهجك على الخير مطبوعي
يـامـرحـبـا فــيــك يــارجـــال=ســــلام وافــــي ومـطـبـوعـي
شـرفـتـنـا يـاكـريــم خــصــال=مـثـلـك وشــــرواك مـسـمـوعـي

فــــي جــــو هـــــادي وشــبـــة نـــــار=هـــبـــت عـلـيــنــا صـــبـــى تــخــلــع
تـشــتــت الـخــلــق !! وفــضـــي الـــــدار=حـتــى الـنـخــل صــــار مــــا يـطـلــع
مــن لا حـسـب للصـبـا واحـتــار=وخلَّـى الــذرى بـعـد مــا يــزرع
مـــا يــعــرف أن الـفـلــك دوار=ويحسـب لهـا قبـل مـا تقـلـع
اسـتـغـفـر الــواحـــد الـغــفــار=لاشـفــت ريـــح الـهــواء يـشـلـع
واكـثــر مـــن قـرايــت الأذكــــار=بـالـيـد وبـلــي مـنــه تـبـلـع

عساك دايم لنا ياحرب = يا ملتقى يا عالي الهمه
ادعو لنا كم دعاء للرب = يظهر على الرأس فالقمه
بوجودكم دايماً نطرب=في موقع الحرب ملتمه
ومن لمنا من شمال وغرب=قادر لنا خيره يتمه
فالملتقى محققين الكسب=ونفرح بشرواك لاضمه
ترحيب وافي وصافي عذب=غزير لاهل الوفا جمّه

اثــــر عــلـــي الــزعـــل واعـــــدم=مـسـيــرة حـيـاتــي ولــهــا اخــلـــف
الــلــي مــعـــي فـالـحـيــاه اقـــــدم=عــلــى قــتــل فـرحــتــي واتــلـــف
نــفــديــه بــارواحــنــا والـــــــدم=نـضـحــي ولا نــقــول كــــم كــلـــف
يـاهــل تـــرى فــــي امــــل يــنــدم=لـجــروح غـســل لــهــا وخــلــف
طبع البشر زينت الهندم=ارجع لماضيك ويش اسلف
ان كان ماضيك لك يردم=ماهو ضروري ترى تحلف
خلك على العز وتقدم=كل البشر دايماً تصلف
واللي بنى البيت مايهدم=الا اذا كان متخلف

عيـنـي تـحـدث عــن الـلـي فــي=وتـشـرح لــك الـيـوم هـوجـاسـي
يـاعـز واغـلــى مـــن فـالـحـي=يــا مـالـك الــروح واحـسـاسـي
الـيــوم فـــي فـــؤادي شـــي=اخـلــف مــوازيــن مـقـيـاسـي
مــدري الـهـوى بيـنـنـا يـاخــي=ولا تعابـيـر فـــي راســـي

أن كـــــــــــان ودك يــــــرضــــــي الله=خــــــــل الــمـــلـــف فــســجــلاتـــه
أنــــــــا حــبــيــبــي رســـــــــول الله=وادور الـــمـــوت فــــــي رضـــاتــــه

فالحاضر اعطيك والماضي = واسامحك كل ما تخطي
والان ابشكيك للقاضي = ما يجوز تاخذ ولا تعطي

غـــادرت طـيـبــة وانــــا مـشـتــاق=مـشـتـاق لـكــن رجــوعــي صــعــب
انــــا عــلــى الـعـهــد والـمـيـثـاق=وانــا احـمـدي مــن قبـايـل حـــرب
ونــعـــم بـــكـــم ذكـــركـــم ســـبـــاق=مـــــن ربــعـــةٍ عــارفــيــن الــــــدرب
وهــجــر الــعـــوازل صـعــيــب وشـــــاق=اصــبــر وخــلّــك شــديـــد وصــلـــب

فاحساس ، وخبره ، جبت الكاس = وقسته وفصلت مقياسه
حساس وله خبره فالأحساس = ويحس احاسيس حساسه
يجري مع الدم لين الرأس = وينزل من الرأس لا ساسه
درسني الوقت والهوجاس = من دون كرسي ولا ماسه
نشرب من الزير مثل الناس = بالكاسه ولا من الطاسه

خــــلاص يـكـفــي اســــى وحــرمــان=يكـفـيـنـي جــــرح الــزمــان وبــــس
أبــرحــل مــــع الـفـكــر بـالـنـسـيـان=لـعـل وعـسـى فــي دمـوعـي تـحــس
مـاتـنـطـوي صـفـحــة الأحـــــزان=حـتــى تـعـالـج جـــروح الأمــــس
اسـعــى وخـــل الأمــــل يــافــلان=إن كـــان ودك تـطـيـب الـنـفـس