أحدٍ يسوق المجد من دون تمجيد=وأحدٍ في سوق المجد بايع وشاري

ناديت في المرقاب ناديت ياعيد=ياعيد ما كنك كما عيد ضاري
إنبح حبل الصوت من كثر ماعيد=وسرَّى على قلبي من الهم ساري
ياعيد شالليٍ مخلف الناس ياعيد=ضاقت علينا جبالها والصحاري
كلْ مانقول أن الفرج حلْ ويزيد=يزيد بُعْدك ياكثير الطواري
ماريد والله غير لاماك ماريد=الشاردة ياذا العنا.. للضواري
ياليت مقدورك على شقة البيد=والا دِقَل من فوق ذات الصواري
لكن رجايه في الرجال المحاميد=حمَّاية الساقه نهار الجواري
كُثر التكبر للنواميس مايفيد=العقل نعمه.. والصنايع عواري
لاوين في شدة ومدة وتشديد=الدم حامي .. ياشفار الشباري
الرجل لا حطوه في مرتبة سيد=دايم ركيزه للرفيق المباري
تلقاه في صك المغليق مايحيد=ثابت كما يثبت قوي السواري
الله من عِِرْفٍ تقوده مقاريد=تالي زمانه .. باينة له شواري
ماعاد أميِّز بين حدٍ وتحديد=ولا عاد باين.. للمواري مواري
حتى تبدد كل معروف تبديد=دون البطانة والرجال الحواري
أحدٍ يسوق المجد من دون تمجيد=وأحدٍ في سوق المجد بايع وشاري