مشتكى وردود

/
/
/
/
/
/
/
/
/
/
/
/
/
/

شاكر منصور القايدي=
كيف اقطف الورد واجيبه=لاسار حول الحما حراس
خايف من الوقت يغديبه=وليا تركته خذوه الناس
.=
.=
.=
مشعل النويمي القايدي=
حاول من البعد تقريبه=لو كان يشعر معك بااحساس
وان كان ماتقدر تصيبه=ارسل احاسيسك بكراس
.=
.=
.=
حمدان دراج القايدي=
يمكن من البعد تصويبه=وتجرعه من لذيذ الكاس
وليا عصا سهل تاديبه=مابغاك في امركم تحتاس
.=
.=
.=
ابوفواز النويمي القايدي=
خذ الاذن من معازيبة=لاتسرق الورد ياجساس
وابعد عن الشك والريبة=والا ترى الفاس فوق الراس
.=
.=
.=
شاكر منصور القايدي=
ماعندنا شك ولا ريبه=يخفون جانب من الاحساس
كيف ياصله العلم ويدريبه=انا الذي بسقمي حاس
.=
.=
.=
ابوفواز النويمي القايدي=
الحب ماينفع الشيبه=اللي عروقه غدت يباس
روح المصلى وصليبه=ياللي تدور على الالماس