( تجاذبني على ودّه )

تجاذبني على ودّه طبوع المرهف الحسّاس=ويحرجني وفاه اللي يزيد الزّين فطبوعه
عليه اخلاق تجبرني اشوفه غير بين النّاس= جبلّه فيه من ساسه ولاهي منه مصنوعه
وقدره منزله يسمو وسط عيني وفوق الرّاس= مطاليبه له تلبّى ولو ماتكون مسموعه
إذا غيّب عن عيوني ياخذني شوقي بوسواس= توتّر بالقلق نفسي وتبحث عنه مفزوعه
ويبادلني شعوري فيه صرنا للغلا حرّاس=وفايه فيه مثمر فيه جميل الذّوق والرّوعه
لقاني طيّب المبدا فديت عيونه النّعاس=وعلاقتنا عمارتها من العدوان ممنوعه
يمتّع ناظري شوفه عسى مايشوف همّ وباس=حبيبي رايته دايم بطيب النّهج مرفوعه
حروفي جات توصف له محبّه فيه ماتنقاس=هاجوسي جابها فابيات متقونه ومطبوعه
وتوصلّه من الغالي هدّيه غاليه تنباس=ويحفظها لنا ذكرى ويخفيها عن ربوعه

الشّاعر/ خالد بن عبيد بن معتوق الأحمدي

لاهنت وصح السانك

تقبل التقدير والاحترام

وفقك الله

حرف مميــــــز .. حضور مميــــــز .. واسم مميــــــز

صح السانك

الجرح
صح بدنك