الصريح

صار الصريح بوقتنا الشين مذموم
وانا الصريح اللي عدو المجامل

طبعي ولا ابدله لرضاية البوم
ولا انتظر منه الوفاء فالتعامل

الحر يرفع نفسه بعالي الحوم
وعلى فراقه ما يعظ الانامل

ولاني على خوته طامع وملزوم
وبيني وبينه قص حبل التزامل

ويا صاحبي وانت فطين ومن قروم
لطيب والنوماس والعز شامل

الحر لا شاف الجيف صد ويشوم
والا الغراب لمثل هالصيد ثامل

اعرف قدر نفسك تراك انت زيزوم
واحذر لهفواته تكز الفرامل

ولا تكترث فالبوم والبوم مرثوم
عرق الردى ياصله لو هو تحامل

ولا صادقه ياكود مثله من القوم
هامل وطبل له من الناس هامل