اخر قصيدة

اخر قصيده توها مابعد جات = وعن الجديد اقول هذى قصيده
لو القديمه بالزمن بعض الاوقات = قامت تجدد في عيوني جديده
ودي ابين موقفي وقت الابيات = بحرن تلاطم والعواصف شديده
عسفت مهره فى فنون المهارات = شقرا عنيده من خيولن عنيده
عسفتها تجتاز بحر المتاهات = تنهج مناهج والادب ماتحيده
مثل النجوم تسير عبر المسارات = ومثل الكواكب في سماها فريده
على شعاع الشمس علم البطولات = ماهي علوم اهل العقول البليده
بعد النظر يطوي طويل المسافات = اقنع بشور اهل العقول الرشيده
جربت بالدنيا عديد المجالات = هقوات روحي عزم قلبي تزيده
ماهمني دون الهوى قول شمات = الود وسط القلب ضد وضديده
الفكر لو مس الهوى بس مسات = الفكر ضد الود ماهو عضيده
ضاع الغلا مابين ريبه وشكات = امسى يريده والضحى مايريده
هب الهوى والقلب مرفوع رايات = الود سيد القلب ياناس سيده
قلبي تقسم بين همسه ونظرات = الصبر مر ونار شوقي وقيده
ذات الرموش الناعسه والضليلات=لاسلهمت قلب المشقى تصيده
ترجمت بالعينين سرد الحكيات=وفيهن قريت الحب جمله مفيده
نبضات هم القلب بالشعر ونات=وفي قلبي الاحزان داخل وريده
طعم الفرح قافيه بالوقت لوعات=الفايده بالوقت فرصه زهيده
مرباع قاف الشعر بربوع جزلات=وشفي على در البحور المديده
كان المشاعر صادقه بالرويات=نادر وجود اللي تسمى وحيده

الشاعر فهد بن سعد القصيري اركان حرب

صح الله السانك
لاهنت
ولاهان منطوقك

صح بدنك الله يسلمك اسعدني مرورك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح بدنك اخوي الحب الباقي الله يسلمك اسعدني مرورك.

صحت السنتكم
والله يـعـطـيـكم الـعـافيـــــــــــة
بيض الله وجيهكم

الله عليك مبدع

صح لساااااانك يافهد

صح بدنك اخوي ابو هليل الله يسلمك الابداع في حضورك الراقي

رائعه صح فكرك ولسانك وبدنك

	المشاركة الأصلية كتبت بواسطة الحر الاشقر

	رائعه صح فكرك ولسانك وبدنك

صــح بدنك يااخوي الـحـر الاشقر الله يسلمك ويبيييض وجهك
الاشادة من شرواك بصمة شرف على الصفحات
كلك ذوووق واسعدني مرووركم الكريم