مشكور ياخوي / عبدالعزيز الحريبي ( ابو عادل )

اشكر اخوي الغالي/ عبدالعزيز الحريبي
على سؤاله عنّي بعد الغياب
واجاوبه بهذه القصيده المتواضعه
ولا اطلب الرّد عليها
واتمنّى ان تنال اعجاب الجميع



/
/
/
/
/
/
/
/
/
/

عبدالعزيز ايضيق يوم انّي آغيب=ينشد ونفسه في غيابي حسيفه
وآقول يابو حرب عدّاكم العيب=وهذي سلوم اهل القلوب النّظيفه
رفيقهم لا غاب سبّب لهم ريب=عليه يخشون الامور المخيفه
وتشكرك على نشدتك والحرص ياذيب=ثمّنتها تثمين سلعه كليفه
وآنا على نشدتك ياالحربي امجيب=والصّدق ميزه فالنّفوس الشّريفه
لي قصّةٍ بالوقت جابة لي الشّيب=منها الجورح اكثار ماهي طفيفه
واصعب جورحي منّها كيف بيطيب=خلاّ دموعي مع جفوني حليفه
يبلش به البيطار مرتاب مايثيب=يصعب عليه الجرح يوقف نزيفه
قصّة فراق وجرح مافيه تطبيب=حيل الله اقوى ياالضّروف المعيفه
من موت ابوي اللي فراقه لي اصعيب=ابوي تاج الرّاس عزّه وريفه
مالي مزاج ابقاف ردّه وترحيب=والحال بعده راح منّي نصيفه
واضغط على نفسي واجامل هل الطّيب=اللي لهم بارض المراجل سقيفه
وعساي معدمكم ولا عنكم آغيب=ياهل النّفوس الطّاهره والضّريفه

الشّاعر / خالد بن عبيد بن معتوق ألأحمدي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

تم تعديل
فالقصيده

صح الله السانك ياصقر المراقيب

شاعر جزل وغني عن التعريف


عساك سالم وغانم

الحب الباقي.
اشكرك على مرورك

تسلم
ياعبدالعزيز الرويثي
واشكرك على مرورك
وصح بدنك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح السانك صقرالمراقيب
وعضم اجرك في فقدابيك
قصيده را يعه جدا