هذا زمانٍ شان حتى على المور.

هذا زمانٍ شان حتى على المور=
=والله لو ينطق ونسمع كلامه
بيقول وقتٍ فات طيب ومخبور=
=يومٍ تمثاله بريش النعامه
ويسوقه سعودي شجيعٍ وممرور=
=ويمسح قزازه في جديد العمامه
واليوم وضعه صايرٍ فيه حادور=
=سواقه الهندي يشيل القمامه

سند العريمه

************************************************** ******************************

الشاص والوايت وذودٍ مغاتير =
=تعيد للنفس العزيزه طربها
في خايعٍ زاهي بزين النواوير =
=هذا هوى نفسي وهذا طلبها
عبرت موجز عن هوى النفس تعبير=
=ونفوسنا حب البداوه جذبها
والناس كلٍ له مزاجه وتبرير=
=واحدٍ شرى الجزله وغيره جلبها
وللطيب وأهل الطيب بالقلب تقدير=
=ونار الشقى جعل المهبى حطبها

سند العريمه

ابو سعد
صح لسانك وعتلا شانك
شاعر جزل الله يبيض وجهك
ذكرتنا البداوه

والله انك صادق
صح لسانك مليون
والله يـعـطـيـك الـعـافيـــــــــــة
بيض الله وجهك

شاعرنا ومستشارنا الغالي الشاعر سعد المحمدي
صح بدنك يابو تركي لاهنت. وأشكرك على التنسيق المميز
تحياتي لكم.

الحب الباقي مستشارنا الفاضل صح بدنك لاهنت.

صح لسانك يابوسعد بيض الله وجهك

صح بدنك لاهنت يابوهليل. تحياتي لك.

صح لسانك ياذيب

اﻷخ الشاعر/صلاح صح بدنك لاهنت..

صح الله لسانك
ولاهنت
وسلم فكرك وبنانك
دمت برعاية الله وحفظة