السعادة

السلام عليكم ورحمة الله وبركاته

كان ما معك غير الله وقلبك غيور=وصار نصرك محرم وصار ظلمك مباح
يظلمونك ولكن لا يهمك نكور=راسبينك رسوب وناجحينك نجاح
لا يهمك غياب ولا يهمك حضور=كلها لجل عينك قمت الانشراح
دام مثبت وجودك ، ليه ترضي غرور=لا تُطوَق بفكر وكل فعلك مباح
دام جل اهتمامك للفرح والسرور=صير منقذ لأرواح أشرفت ... ؛ بالمتاح
ودام للجانب الانساني ياانساني دوْر=في خضم الحياة ما أنتا بلاقي مساح
وإذا ممن تبنى كل جانب قصور=عيش بأمر السعادة وأترك الاجتياح
شوف كم السعادة جبرت من كسور ؟!=شوف كم السعادة داوت امن الجراح ؟!
شوف كم السعادة قصرت من دهور؟!=شوف كم السعادة مسكته للصياح؟!
شوف كم السعادة يسرت من امور؟!=شوف كم السعادة أكرمت بالشحاح؟!
شوف كم السعادة عُبِرَت في سطور؟!=أكدت مصطحلها رغم كل اصطلاح؟!
علمتنا السعادة : قوْل بدر البدور=ويا صِباح الوجيه ، ويا الليالي الملاح
السعادة بصائر ، رأي ، مسلك ، ونور=مركب السالكين ، شراع ، قارب ، رياح
جامحه في المشاعر ، ميسره فالعسور=ترسم الابتسامه ، من دواعي السماح
مبهجه للمحافل ، مثلجه للصدور=مُنسيه للوغور ، امصادرة للنواح
وتدري الضو كم هي...سرعته فالعبور!؟=فاق مفعولها عن كل براق لاح
أسعِد الناس بإدخال السعادة ؛ شعور=إنما المعنوية دائم أقوى سلاح
لا تظلي حياتك دهر يرهن دهور=يفعل الله ما لا تعلمه ، فالصباح
ترى لو لا السعادة ؟ ما تطير الطيور=ترى لو لا السعادة ؟ ما ترف الجناح
البلا بالسعادة تجعل الناس صور=حين تنسى امامك والنداء للفلاح

وسلامتكم

تسجيل تواجد في منبر الجزاله
صح لساانكـ
بيض الله وجهك

صح لسانك مثقف وجزل بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة