ردي على الشاعر طلال المعبدي

بسم الله الرحمن الرحيم

هات القلم و أدن المعاميل يا عبيد = باللي يحيك الصدر منته بداري
قلط لنا الرسلان جنب البغاديد = حيثك بحكم البن فني و أداري
من يوم طار النوم مابه مقاعيد = السالفة ماهي سوالف مجاري
حتميتن ما عاد عنها مصاديد = تبي ارجالن ياصلون المحاري
يا مرحبا باللي معانيه تحديد = يشوفهن ما قصهن بالأثاري
حرن على مشهاته يهد و يصيد = ما يذبح إلا من اسمان الحباري
طلال وجه لي رسالة و تمجيد = و اختار لي غازي خوين امباري
نصيتها هداج في كل ما تريد = عد الروا ماهو سراب البراري
غازي بعيدن عن دروب المناقيد = في خوته لي الشرف و افتخاري
لو كان ما بينت بعض الشواهيد = توهتني بين الجبل و الصحاري
بين الطواري مخلفات المواعيد = لو اعتذر صعبن علي اعتذاري
مالك و مال اهل الحسد و اهل الكيد = ما عندهم غير الدجل و المزاري
اللي سوالفهم من بعيد لبعيد = ارجال السعه ما ياصلون الخطاري
الرجل ما يهمه كلام الرعاديد = علمن يمين و علم حطه يساري
ما دمت من ربعي ارجال المعابيد = زبن المخيف اليا جرت له جواري
ليا ولعت بين الرجال المعانيد = يجذب سناها بالدجى كل ساري
حريبهم يشرب من المر و يزيد = يخضع لهم بالطوع و إلا اجباري
قلته و أنا ما أردد الهرج ترديد = آخذ من الصافي و أخل الهذاري
أنطح سناهن كان جني مواريد = و أقطف ثمرهن زين حسب اختياري
و المعذرة يا مصخرين الشواريد = ياللي لكم بالشعر حكمن وزاري
اختامها في ذكر من له سواجيد = جميع خلقه و النجوم السواري
و صلوا على من جدد الدين تجديد = جاء في صحيح الترمذي و البخاري

صح لسانك يابومشعل
قصيده جزله بيض الله وجهك

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

الله
الله الله الله
الله الله الله الله الله الله
صح اسانك جزل من منبع جزالة

عزالله ماقصرت وصح لسانك يالشاعر محمد سماح الغيداني
اشكرك بقوة على هالقصيدة الجزله يابو مشعل .

الشاعر القدير محمد سماح الغيداني صح لسانك على هالجزالة والابداع الغير مستغربه
الله يعطيك العافيه

الله الله الله

قصيدة جزلة و الجزالة لاتستغرب من اهلها

صح لسانك يا ابو مشعل على هذا الرد الوافي الكافي

و بانتظار جديدك.

و صح لسان الشاعر / طلال المعبدي و بيض الله وجهه اللي حرك مشاعرك

مالك و مال اهل الحسد و اهل الكي00000ما عندهم غير الدجـل و المـزاري
اللـي سوالفهـم مـن بعيـد لبعيد 000ارجال السعه ما ياصلون الخطـاري
الرجل مـا يهمـه كـلام الرعاديـد0000علمن يمين و علم حطـه يسـاري


الشاعر محمد سماح
الابيات اعلاه متعددة الاغراض لله درك يابو مشعل
رد وافي من شاعر كبير وربعنا معبد يستاهلون

كلام جميل

يسلم فكرك.

الشاعر الكبير محمدسماح

ما اقول الا صح السانك
وبيض الله وجهك

ولي بقامتك كارجوله وقامت شعر
منه الاستفاده ويرتقي الملتقى بتواجدك انته ومثالك
وسلمة ودمت