نسناس الشمال.....نايف بن مياس

ياوجود القلب ياوجدان قلبي=كل ماهبت ذعاذيع الشمالي
مايحرك خاطري شرقي وغربي=لو تنسنس عام مايشتاق بالي
والشمال ان هب ماغيرت دربي=لي مكان عصير في روس الطوالي
لو مراقيب الرجوم تزيد كربي=يوم قرص الشمس مايل للزوالي
تشتعل بين الضماير نار حربي=وان رفعت الصوت رده كل جالي
يادورب الحب بامقلاع سربي=الهوى كنه منافس مع ضلالي
وان سليت القاه في زادي وشربي=الكنين انباح له وانسل حالي
طحت مثل الطايره من فوق كربي=دروا ركابها مافيه تالي
مايفيد اللي تهرب كل هربي=راح فيها المقرحي عدة ليالي
وانت ياريم الشمال ابشر بقربي=جاك مني فال يتليه العقالي
لو هواكم صلف يقلع كل صربي=كنها فنجال من كيف الدلالي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

ابدااااااااااااااااااع
لاغرابة

صح السانك لاهنت
شاعرنا القدير

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله ابدانكم جميعا بارك الله فيكم

صح لسانك الله يعافيك

صح السانك وبيض الله وجهك