النهج الشريف

السلام عليكم ورحمة الله وبركاته

اسعد الله مساء الجميع بكل خير

اقدم لكم هالقصيده بعد غياب ، وارجو انها تحوز على رضاكم .


~ْ الـنـهـج الـشـريـف ْْ~}

سلام ياذكرى مضت عايشتها واليوم طيف = تزورني وتشوفني بالطيف وانا اشوفها
الجادل اللي غيرها مايحتوي قلبي وليف = الحب شمسه ماتغيب ولا كساها كسوفها
لو شجرة وصاله ورقها مسقطه منها الخريف = حيّه مدام عروقها حيّه وتحيي جوفها
تستعذب اسماعي شذا صوته ليامن قال سيف = ماكن لو مره سمعت حروف غير حروفها
افز وإليا طيف عابر راح مثل بروق صيف = اقفت على مزونه رياح ٍ عاتيه وتحوفها
اصبحت مثل اللي تشوف عيونه وعوّد كفيف = لو هو يناظر في عيونه راح منها شوفها
استسلمت رجلي لضرف الوقت بالوقت المخيف = واستسلمت روحي وترجي نيلها لشفوفها
انا اشهد ان الصبر حمل ٍ ماهو بحمل ٍ خفيف = بعض الجمال الحمل لاثارت يقص كتوفها
عشرة سنين وشلت فوق الكاهل الحمل الكليف = واظن زادت قبل مده والعرب بضروفها
مافيه حب ألذ من حب ٍ على النهج الشريف = حتى ولو ماشافته . حتى ولو مايشوفها

وسلامتكم جميع

سيف سمير الهويملي الحربي

الشاعر الجزل
سيف الهويملي
من طول الغيبات جاب الغنايم
وانت جبة لنا دره الله يبيض وجهك
لاهنت يابن العم

	المشاركة الأصلية كتبت بواسطة سعد المحمدي

	الشاعر الجزل سيف الهويملي من طول الغيبات جاب الغنايم وانت جبة لنا دره الله يبيض وجهك لاهنت يابن العم

الشاعر القدير سعد المحمدي

اشكرك على هذا الحضور والاطراء اللي اتشرف فيه


شهادتك وسام وإشادتك فخر


الله لايهينك وانا سعيد جدا بهذا الاعجاب

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح الله لسانك يا القرم والله يـعـطـيـك الـعـافيـــــــــــة بيض الله وجهك

صح بدنك يالطيب ولاهنت


ومن قال يتعافى


ووجهك ابيض

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بددنك وطاب معدنك

الله لايهينك ويرضى عليك


اشكرك على التواجد الكريم والتعليق الجميل

ياااااااااااااااااااسلااااااااااااااااااااااااااام
عليييييييييييك
يا سيف ولاإن اسمك سيف انت
تستهال الاعجاب ههههه
صح السانك وبيض الله وجهك

	المشاركة الأصلية كتبت بواسطة العطيب

	ياااااااااااااااااااسلااااااااااااااااااااااااااام عليييييييييييك يا سيف ولاإن اسمك سيف انت تستهال الاعجاب ههههه صح السانك وبيض الله وجهك

ياهلا ومسهلا فيك يااخوي وسميي

صح بدنك ووجهك ابيض ولاهنت

تواجدك اسعدني واعجابك شرفني

صح الله لسانك
ولاهنت
وسلم فكرك وبنانك