اليوم مريت جده اتمشى واشوف

خليفة المزروعي في 14/8/1433 هـ

اليوم مريت جده اتمشى واشوف=قالو عروس البحر قلت الله ازيدها
شفنا التطور وشفنا فالكباري صفوف=الزحمه اللي تعل النفس يازيدها
حولت اقدم وراع الأمن قال الوقوف=فعلتك هاذي ترا منهي ولاتعيدها
قلت العفو ياعميل الخير جنبي هنوف=والنفس خايف عليها ينطلق قيدها
الود قالو هل التجريب يصدف صدوف=واهل الموده تضيع ومسهله صيدها
قال انت مالك ومال الناس خلك عيوف=واللي مهي لك جنب عن مواريدها
اللي كماكم قوي العرف ماهو ضعوف=والشيب لوح ولا ترقى مسانيدها
قلت ابك تو شباب وحملها له كتوف=والشيب ماهو غريب وفي مواليدها
صاحبك في لازمه مايشتكي من ظروف= حاماي ساقه ليا ثارت بواريدها
قال انت اضنك تحسب الزين شروة خروف=شروة وبيعه في ساعه تاخذه فيدها
انصحك تمشي ولاتصبح لحملك جزوف=والثلب لوفز مايطرح مفاريدها
مشيت وانا اتفكر فالعبر والصنوف=والنفس مكبر مصايبها ومحاريدها
دنياك هاذي بلاوي ماعليها حسوف=والمسعد اللي بها سالم منا قيدها
وختامها نسأل اللي في عباده رؤف=يحمي بلادي ويحفظلي عواميدها

تسجيل تواجد في منبر الجزاله
صح لساانكـ
بيض الله وجهك

	المشاركة الأصلية كتبت بواسطة رابح الجحدلي

	تسجيل تواجد في منبر الجزاله صح لساانكـ بيض الله وجهك

صح بدنك اخوي رابح وشرفني مرورك ياغالي


تحياتي وودي لك

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله لسانك

بالفعل نص هادف ورساله شاعر يستحق كل التقدير

لاهنت وصح لسانك


قصيدة مختلفة



تقبل الود

صح لسانك على الكلام الجميل

كلمات جزلة ووافية من شاااااعر كبير ومتمكن

صح لسااااااااانك

لاهنت وصح السانك

تقبل التقدير والاحترام

وفقك الله