أقدر أبعثرك في لحظات ( خواطر جديده للإطلاع فقط )

جديد خواطر و كسرات أبومديده
للإطلاع فقط
لعلها تنول إستحسانكم












( 1 )

يهتّز قلبي إذا شِفتك=لكِّن شموخي عزيز الذّات
زي ماجمعَتك ورتَبَتك=أقدر أبعثِرك في لحظات

( 2 )

أنا أتنَفس هواك العذب=وأسير بأمرُه ورغباتُه
وإنته ترُد الأمل للقلب =اللي قطار الهوى فاتُه

( 3 )

ياسيد برد الشِتا لاسِع=تِجمّدَت بُه شراييني
لكِن خيال الهوى واسِع=حسّسني إنك تدفيني

( 4 )

لجلي بالإخلاص حبيتك=حِلمي تحقق وأصبح عِلم
ولو كان فالصّد جاريتك=أفنى وتبقى مُجرّد حِلم

( 5 )

دارت على الدايره حالات=ماوافقت نهَج في سيري
أشبه بحُب الأنا والذات=يجوز تصلح مع غيري

( 6 )

رايح على الورد واليسمين=وزهر البنفسج يناديني
أعشق هوى مين وأترُك مين=لا أستوطنْت في بساتيني

( 7 )

كُل حي مجناه مِن يمناه=مِن دون مجني ولا جاني
يايكون كاسِب رِضا مولاه=يايخسرُه والعُمر فاني

أخوكم
ماجد أبومديده