اما يتعوذ من الشيطان=ولا احجزوله على غانا محاورة بين العقل-والقلب

العقل=

قضيتي في حقوق انسان=شكوى على قلبٍ اشقانا
اما يتعوذ من الشيطان=ولا احجزوله على غانا
رد القلب-
الرحمة وهبه من الرحمن=وش السبب ليه تنفانا؟
لاتجازي حسان .با النكران=و اصير انا وانت عدوانا
العقل=
كل ما عذلتك عن الخلان=القاك تعطف على عدانا
يعني مسوي بها بطران=توزع العطف مجانا!!
القلب=
الله ومرنا وباالاحسان=نعطي على قد ما اعطانا
مع مدة الطيب لاخسران=الله بها يوم يجزانا
العقل=
انا كلامي على برهان=شفنا من المُر ماكفانا
نقصد بها خير. بعض احيان.=وبعكسها شرهم جانا
القلب=
اصابع ايديك. يا حيران=متفاوته طول نقصانا
واللي ما يقدر وراه ازمان=اليا فقد برنا جانا
العقل=
انا معاك اتفقت. الان=بنعيش انا وانته اخوانا
ماتهزنا كلمة الغيران=اللي على الشر يحدانا
القلب=
انا اتفق معك. في ذا الشان=ولا اتعارض على اجرانا
ابعطي الطيب. لاإن كان=ولايهم وش قالو اعدانا

صح لسانك وسلم بنانك وبيض الله وجهك

كسرة في غاية الروعة والجمال الله يعطيك العافيه

دمتم بخير

محاوره رائعه من شاعره رائعه
صح لسانك ونبضك كحيلتنا
اعجابي
وكل الوود

	المشاركة الأصلية كتبت بواسطة وليف الشوق

	صح لسانك وسلم بنانك وبيض الله وجهك كسرة في غاية الروعة والجمال الله يعطيك العافيه دمتم بخير

صح بدنك لاهنت
مراقبنا وشاعرنا القدير

وليف الشوق

صح لسانك

ابدعتي

والى الامام

	المشاركة الأصلية كتبت بواسطة القناصه

	محاوره رائعه من شاعره رائعه صح لسانك ونبضك كحيلتنا اعجابي وكل الوود

صح بدنك لاهنتي

على تواجدك

الراقي

--------------------------------------------------------------------------------

رائع صح لسانك وبيض الله وجهك

كاعادتك دايم مميز

	المشاركة الأصلية كتبت بواسطة حرب

	صح لسانك ابدعتي والى الامام

صح بدنك لاهنت
مستشارنا القدير
حرب

ابداع متجدد يالكحيلة

لله درك

صح لسانك وسلم بنانك وبيض الله وجهك

كسرة في غاية الروعة والجمال الله يعطيك العافيه