ديوان الشاعر سرورالبشري

سـرورالـبــشــري =
أنسج بيوت الشعر وأحب=أرقى بها مستوى راقـي
سلام للملتقـى ياحـرب=حامل فطياتـه أشواقـي
ابــــــــن وازن =
دكتور فالملتقى مكسـب=ويشهد لك الحرف ياراقي
يامرحبا من صميم القلب=ينساق من داخل اعماقي

المؤمن المبتلى يصبر = مهما ظروف الزمن تبليه
مستور يبقى ولا يظهر = محتار دايم عدوه فيه

سرور البشري=
زرعت غصن الأمل فمحل=الود وأسقيه بيديه
؟اتصدقون الأسى والذل=اجنيه بعد التعب ذيه
بخيتان البشري=
يامن جنى عكس ما يأمل = نبت الصبخ دايم كذيه
الله يعوض عليك ودل = ارضك قبل تعزم النيه

سرور البشري=
لومي على الحظ وأيامي =ولاّ على النفس ياخالد
أفيد وأصدر أمر سامي=قدام يشمت بي الحاسد
خالد اللهيبي=
الحظ ماتطوله احكامي =و الوقت في سلطته زايد
ولاتنحكم حكم الزامي =حتى عليها نقيم الحد

سرور البشري وحرب =
مدام جو الصفا مغـري=بوجود من ودهم شاريه
سلام والليل لايسـري=قدام نأخذونعطي فيـه
بيان الصمت و ماهر ابو خالد =
جينـا لمـد المثـل نجـري=ترحيـب منـا لكـم نبـديـه
بعـد انقطـع بثهـا بــدري=بين الجمـل والهتم والتيـه
سرور وحرب =
عسا البقا والمثـل دغـري=واش لك تجيب الجمل طاريه
اشاهـد الجـرح يستشـري=لي عام محتار وش يبريـه
بيان الصمت وماهر ابو خالد=
تاريخ ملزم لنا حصري=راع المواقيف نستوفيه
واللي يدور دواء يبري= يلقاه لابان مايخفيه
سرور وحرب=
والسبعه انعام بالبشري=اللي على الطيب من ماضيه
ولاتقول باللي حصل مادري=وانته معي بالنظر ترعيه
بيان الصمت وماهر ابو خالد=
كل شي في وقتنا محري=وكلاًّ حسب نظرته يرجيه
احسب حسابك لما يطري=هات المعالم وخذ توجيه
سرور وحرب=
الواقع المؤلم المزري=اخاف ذاك الجسد ينهيه
وشرواك ياعالي القدري=لاشك هذا الامر يعنيه
محسوب تاريخه الهجري=غرة ربيع أبتدى قافيه
لاتقول هذا منه عذري=ردالمثل منك مستنيه
بيان الصمت وماهر ابو خالد=
مايختلف موقع الوكري=ويناظرالوضع من عاليه
مقياسنا سورة العصري=والرفق محمود في تاليه

سرور البشري=
سـلام للشاعرالـوافـي=اللـي يمدالوفاءوالطيـب
لأبـان لازم وميقـافـي=يأخذويعطي معي ويجيب
لك أشتكي حال ياكافـي=شعرك ياقف منه ويشيب
شايل حمولي على أكتافي=مثل الفداوي ف تل أبيب
خالد اللهيبي=
ترحيب مثل الذهب صافـي=ولاهل الوفا نثني الترحيب
ياحر في را س مشرافـي=ساق المعاني على الترتيب
راعي المواقيـف ينشافـي=وعن ساحة المعركه مايغيب
وقت الطلب ماقفـه شافـي=والياغفا مثل نـوم الذيـب
سرور البشري=
عسى البقا وانت متعافي = ياترجمان المثل ماتخيب
مخبور من ساس عُرافي = يمناك ماتخطي التصويب
حظي وقف ضد وخلافي= ممشاه عاكس معييّ يصيب
وجروح ميّاس الأعطافي = ضعفين زادت من التعذيب
خالداللهيبي=
مالي عن العلـم محرافـي=والوضع مايحتمل تجريـب
واللي عرفته من اسلافـي=الخال ساس البناخي طيب
وانا معـك ليـن تستافـي=وعن لازمي مااقبل التجنيب
يمـوت راع (الهفا)هافـي=عاله على الناس لين يشيب
سرورالبشري=
علم الوفا فيك يا سنافي=مالحقتبه شك ولاريـب
حكمتها عدل وانصافـي=ولااقول فيما تقوله عيب
تلوّنوا لـون الاطيافـي=وشاه مقصودهم تخريب
منك انتظر حكم ينضافي=فالنت متصفحي فالويب

سرور البشري =
سلام تسمع صدى صوته=يلج فـي حـرة الفقـره
معرب الأصل مايفوتـه=مولود مثلي على الفطره
صقر المراقيب=
ترحيب وجهت ريموته=للشاعر اللي على ذكره
ديرتك بالعز مبخوتـه=منزال من سيرته عطره
سرور البشري =
تبقى هل العز مثبوته=ومن عز داره رفع قدره
وحروف الأبداع مؤقوته=وأول الغيث من قطره
صقر المراقيب=
ناس ٍ بـلا دار مشتوتـه=ومن عزها مالقى حسـره
صدقـت يامقـدّر بشوتـه=ياللي وضع شهد في سطره

صحة السنتكم وبيض الله وجيهكم
متابعين للمبدعين

كل ما تهيئة للمضجع=با رتاح وأملأ عيوني نوم
ذكرى على خاطري ترجع=تقلق منامي وأعود اقوم

يأخ آخي أخآ ينخاك=ينخاك لجلك أخو له أنت
وأنا فحمى الله قبل احماك= يعلم سريرتك جوف فالنت

سرور البشري=
يأخ آخـي أخـآ ينخـاك=ينخاك لجلك أخو له أنت
وأنا فحمى الله قبل احماك=يعلم سريرتك جوف فالنت
صقر المراقيب=
ياسرور سرك سرى مسراك=مسراك عوّد عسى ماهنت
خلّك مع الله مانعـلاك=وسريرتي صافيـه وامنـت