ديوان الشاعر مشعل سالم النويمي

اعبد إلهك مسا ونهار = خليك لعبادته قايم
تظفربجنة بها أنهار= وتزيد نظرة من الدايم

بمناسبة عودة سيدي صاحب السمو الملكي الامير سلطان بن عبدالعزيز حفظه الله من رحلته العلاجيه بصحة وعافية ولله الحمد والمنة يوم الجمعة الموافق 24/12/1430هـ

ازداد نور الوطن هااليوم = سلطان شرف اراضيها
يامرحبا افخيرين القوم = في وقت حاضر وماضيها

طبتم وطابت لياليكم = ياهل الدرر والكلام الزين
ياكم نظرنا افمعانيكم = روعة وجميلة تسر العين

الموت فرق علي اخوان = شباب مثل الزهرواحلى
ياكم جمع بنا الديوان =والنفس كانت بهم تعلى
لاكنه الحق والايمان = خلى العبد فالصبر يسلى
يالله يارب يارحمن = إ فدار فردوسك الاعلى

سؤال كيف الغرام إيقاس = ياكيف اهل الهوى إتقيسُه
ياكم طرح إفطريقُه ناس = ذباح ياملعن إبليسُه

القلب يصدا مع العصيان =ويزيد إن كنت ماتوحيه
لاتسير إفدنيتك عميان = بالذكر ياصاحبي إحييه

يالله ذيك العيون السود = فيها الرسم حير الرسام
يرسم ويمحى ثم يعود = سحر النظر ضيع المرسام

منساك مهما السنين تمر= يللي معانا اكلتو عيش
ذكرى الليالي معاك تسر = ياما مشينا سوا فالطيش

مشعل النويمي

القلب ماهو حديد وصلب = ليتك تشوف اللذي حاويه
يكفي الهجر والجرح والغلب =مقتول في طلتك تحييه

ابو عبدالرحمن

دم ولحم تكوين القلب = وطين هجره عدم صافيه
اللي يودك هو المطلب =واللي يعاند لاترجيه

العشق زادي ومصروفي = والصبر طول بنا وزوّد
والوقت واللهد وظروفي = والهم بعد السعد عوّد