ديوان الشاعر نعيم عابد السيد ( القلب الدافئ )

في لحظة الصمت ناديتك=يا فلان قلبي معادي يطيق
لو بفتحه لك وريتك=قد ايش صبره عليه يضيق

ابو بتال

آنا ذبيح العيون السود=الي رمتني بكاحلها
خجلى وفيها النعس موجود=وذوق الأدب من مناهلها
يا ما العيون الكحيله تجود=بنظرات تعمل عمايلها
يا بخت من هو بها مقصود=يحظى بلحظة تفاعلها

ابو بتال

يا من فعينه سحر جذاب=في فية رموش قتّاله
قلبي على وصلكم ذواب=ومن صادق الوجد مواله

ابو بتال

بدء المرحلة الثالثة، وهي مرحلة دخولي إلى عالم المنتديات والإنترنت

ارسل سلامي لمجالس حرب=اللي لهم وافي التقدير
وابعثلهم مع سلامي حب=كثر البحر والمطر والطير
ترحيب ضعفين ما يكتب=ومحرره بالوفا تحرير
ونصب كاسه المحب صب=من اجلكم يا وجيه الخير

ابو بتال

ابو بتال

يا رب نفسي معاد تطيق=طول الأسى صار متعبها
حتى فنومي قبل لا افيق=كابوس ياتي ويبهذلها
يا للأسف اثبت التحقيق=حالتك صعبه جوانبها
واللي تسبب لكم فالضيق=ما بين موجب وسالبها
يا مهجد الحرف بالترويق=قاقت معانيك بجملها
حققت فالمسأله بتدقيق=وجبت النتيجه بكاملها

ابو بتال

سلام مني لمجالس حرب=ونرفع لهم عالي المقدار
ترحيبكم غاية المطلب=يا اهل الوفا محتمين الدار
يا مرحبا الف في مرحب=باللي لفى مجلس الاحرار
الكل بوجودكم يطرب=والفكر في وصفكم يحتار
مشكور باللي بنا رحب=ترحيب مثل المطر مدرار
آنا معك في مجالس حرب=نكسب ويكسب بنا الشعار

ابو بتال

عبد الرحمن البيضاني

كم لي وانا في آسى ونياح=يا ليل الاحزان يكفيني
قالوا لي إن الصبر مفتاح=وفراق الاحباب كاويني
لا للأسى يا صقر سواح=يوم الامل قال يمديني
وبعد الحزن دايماً افراح=تنسيك ما كان فسنيني

ابو بتال

يا من فعينيه سحر جذاب=في فية رموش قتّاله
قلبي على وصلكم ذواب=ومن صادق الوجد مواله

ابو بتال

يا مبعث الشوق ببعثلك=شوقي على جنح قمريه
وش كان ما كان بشرحلك=ما وصفت شوقي فبرقيه

ابو بتال

والله زمزم ترد الروح=وتحط وسط الحشى جنه
ربي جعل شربها مسموح=من حسبه ولا منّه

ابو بتال