ديوان الشاعر(بخيتان البشري)

طبيب محسوب ومجرب = والجرح عيا الدواء يشفيه
عايش مع الناس متغرب = مع واقعي ما كأني فيه

بخيتان =
دورت في معجم الاصحاب = وبحثت بذات عنّك اشكل
عييت لا اطب فالاسباب = اللي تخليك ما تسئل
وليف الطير =
دورت عذرٍ يسد الباب = واكسب ودادك ولا تزعل
لوقلت ناسي ترى مرتاب = وابشر بحقن لك يكمل
بخيتان =
ماهو زعل يالحبيب عتاب = عمر الزعل منك مايحصل
لجلك اخو وافقده لا غاب = اقل واجب عليه ارسل
وليف الطير =
خطيت حرفي وانا في إعجاب = من حرفك اللي لنا منهل
انت مكانك فوسط اهداب = وحلفت والله ماتنزل
بخيتان =
حرفك كما طبعك الجذاب = إن جيت للحق ما ينمل
دُرر ثمينه في طيه جاب = احيت لي الروح والمحفل

بخيتان =
صباح له فالوجود وجود = وبجود الاجواد لك جوده
يتنفسك حرفه المحدود = وتبقى معه داخل حدوده
المستشار =
صباح عطره زهر و ورود = زادو معه من دهن عوده
ياصل لكم يامقر الجود = يمعرب الخال وجدوده
بخيتان =
زوّد على حيلي المهدود = من قسوة الوقت وزهوده
وضيع لي الجهد والمجهود = احترت فأمره ومقصوده
المستشار =
من قبل لاتثور البارود = اشرح لنا خافي سدوده
ايش القضية مع المقصود = يامخايل البرق ورعوده
بخيتان =
خلك معي واتبع المسرود = جتك الحسابات معدوده
ماهي طبيعه ابيح سدود = اترك مسارات مسدوده
المستشار =
انتا تبيها بدون قيود = كل المسارات ممدوده
عطني اشارات ما ابغى زوّد = حتى نحلل لك عقوده
بخيتان =
للمدعي بينة وشهود = وفي حال ما حضّر شهوده
وش قلت في ناحل العنقود = للي شكى جور عنقوده
المستشار =
يستوجب الحكم فالمعدود = توضيح مايثبت بنوده
لو كان فيها وعد وعهود = يستلزمه يوفي عهوده
بخيتان =
فالزمرة الطيبة معهود = ولا انكر معي طيب مردوده
بس العواذل عليه حشود = والخوف لو كثرو حشوده
المستشار =
كان البنا بينكم مشيود = وسيسانكم فيه مشيوده
لاتخاف مايجيك منه لهود = خل الحسابات مجروده

حال الذي صار حاله حال = من حال حول له احواله
هذا الذي حل بي فالحال = واصبحت في حال من حاله

كني عدوك تعاملني = وانا الصديق الوفي والبار
ريّح ضميرك وعلمني = قدام يطّول بنا المشوار
ماودي إنك تجاملني = وتوه بالفكر والافكار
كملتّك الطيب كملني = واحفظلك القدر والمقدار

بخيتان البشري =
ماتتفق واسطه ونظام = للفيصل دروس فالماضي
الواسطه تغير الاحكام = غصبن عن اللي ماهو راضي
قضية الاختلاس اعوام = مطاردتها على الفاضي
من هيئة الإدعا العام = تحولت امس للقاضي
علي عيد =
فيصل ملّك فالدها وسام = حكيم مثله ماينعاضي
مضرب مثل فاليمن والشام = مايحتوي قوله اعراضي
واللي ضميره عليه عسام = دايم عن العدل متغاضي
لكن ربك على الظلام = والحق راعيه بيقاضي

آنا الذي فالهوى مجروح = وانتا سبب جرحي الدامي
بليتني وابتليت الروح = اقفي والاقيك قدامي

وين الصداقه واهاليها = اللي بهم تضرب الامثال
راحوا وقفتّ لياليها = مع من رحل ماضي الاجيال
وجا وقتنا في تواليها = ما تنوجد غير بالاقوال
قليل فالسوم يغليها = ولايمتلكها كثير رجال

ماني قلوب الاوادم خاش = ولاني لمد الوفا ناكر
اخذ من الطيب واعطي كاش = عساك تبقى معي فاكر

بخيتان البشري =
يالبيرق أحمد عليه جاي = ياراعي البيرق المنصور
تعال كانك سمعت نداي = سلام وافي مافيه قصور
البيرق المنصور =
يازاهمـي ماتكـف خطـاي = انا وقلبي معاك حضـور
لـك التحـيـه وكــل وفــاي = ترحيبة (ن)مدها مخبور
بخيتان البشري =
تفداك يا أحمد جميع عداي = ياللي في درب الوفا مشهور
صِعب الدوا في معالج داي = ولافاد تشخيصه الدكتور
البيرق المنصور =
ماتهون وانا الذي فـداي = فــدا لـكـم كلـكـم يابـشـور
وانـا اتمنـي معـاك ادواي = ينفعك لاقلت ويش يدور
بخيتان البشري =
لاهنت 0 واللي سبب بلواي = له منزلة تحتويها صدور
وانا معه بالوفا نصاي = ولاهو على ماحصل معذور
البيرق المنصور =
ان كانها في اختلاف الراي = مافيـش وارد بـدون صــدور
وان كان داري ماهو خفـاي = لا والله صـدك عنـه مـبـرور
بخيتان البشري =
على الوفا سست معه بناي = ولا ارضى هدم بيننا المعمور
ما اقوى على الصد يارجواي = ويحُول بين المواصل سور
البيرق المنصور =
مادمت يابو بخت وحاي = وماتنعذل عن حكيم الشور
ولانته عن موالفه نحاي = يالو نحى بك بدون شعور
سدد وقارب مع العداي = عشان يرجع لكم مسرور
الكل منا ترى خطاي= والصفح مافيه قص نحور