ديوان الشاعر(بخيتان البشري)

الناس ترقى الجبال سنود = وانته على الارض واميّل
لاتنفجع والرجال قعود = لا اقبلت عن دربهم حيّل

اللي سكن وحشة الايام = وظلامها نُوره المُوحش
الحزن والهم والآلآم = فحضانها 0 كان يستوحش

بخيتان =
مضير ولا ضمير يبيع = بضاعته جوف دكانه
السوق يبغى ولد مايضيع = مابين تجار كسبانه
علي عيد =
ماريع الا وسده ريع = لو وايق تشوفه اعيانه
شكر الجنايز على التشييع = والميت استرته اكفانه
بخيتان =
بس المقابر تبى توسيع = شوف التوابيت مليانه
ولو ينبش امواتها بضيع = حفارها 0 مالقي خانه
علي عيد =
السقف يحتاجله ترفيع = ونزيد فأبعاد عمدانه
ولو ايدو فكرة الترقيع = مسؤلها يثبّت اركانه

بخيتان البشري =
مـدري حـروفـه مــن لسـانـه = يــغــوي بــهــا حـــــي يـقــراهــا
ولا بـــهـــا ضـــــــخ شــريــانـــه = من صادق إحساس جرّاها
حمد اليوبي =
ياحر يامعتلي شانه = آرآنا لا تحراها
جس الخبر شوف تبيانه = لاتقول مادري وتدراها
بخيتان البشري =
واقف على باب دكانه = عرض بضاعه وذراها
ياحر لولا الفكر خانه = مااستنعت افكار يبراها
حمد اليوبي =
البعض ماتثبـت اوزانـه = ولاكـل مـن قـال سـراهـا
وما دمت قريت عنوانه = ابضـاعـتـه لا تـصـرآهــا
بخيتان البشري =
مـارجّـح الــرأي مـيـزانـه = وضيّـع سِراهـا ومسراهـا
علمـك بعـد ضـاع برهانـه = لو غرّك الناس ما اغراها
حمد اليوبي =
علمي على القاف بنيانه = مـعــاك مـاشــي فمـجـراهـا
ولـو انـت خليـت باركـانـه = من حشمـة الغيـر بدراهـا
بخيتان البشري =
عـرفــي مـفـاتـيح بـيـبـانـه = اقفالـهـا مـوثـق اعـراهــا
وصاحبك وزعتك فااعيانه = يامطري علوم ما اطراهـا
حمد اليوبي =
تسلم بعد جات مليانه=فزيت وادركت قصراها
والشعر شرواك ربانه=والناس مانخلف سراها

بخيتان =
سلام نبدأ به القمه = الطارئة ونبحث الاحداث
عجل معي واعقد الهمه = وقدم اجندتك والابحاث
المستشار =
ترحيب لك الوفا عمه = ياللي على الطايلة لباث
بين لي العلم لاتطمه = حرفي لك اسرع من النفاث
بخيتان =
العلم من يمك وسمه = وارساله الامس ليه باث
اليوم لم الخبر لمه = واحصر لنا من لهم ميراث
المستشار =
اللي تطاول على عمه = واصبح لعلم الزرا بعاث
مفروض يهدر لنا دمه = ماهو من الخيرين يغاث
بخيتان =
ماودي الخيّر نذمه = واللي تطاول له استجثاث
راع الزرا دايمٍ (ن) رمه = لو هو كبود الاوادم غاث
المستشار =
ماقول لك همنا همه = لكن معه للحلوم اجغاث
الواجب نخيط له فمه = وثلث الثلاثه ثلاثه اثلاث

بين الوفي والموافى ماد = فيه الوفا صاحبه يوفي
يسكن رقم موطن الاعداد = وشعري وطن شعبه حروفي
اللي سرق كنزها بغداد = لو نفذت حده سيوفي
ما كان بعد رحيله عاد = ويقول ردتني ظروفي

بخيتان البشري=
سلام فـي خاطـري فتـره = له ينتظـر شوفـة قدومـك
ثوبه وفـا وطيبـه الغتـره = وحرفه لفى ياخذ علومك
حمد عتيق اليوبي=
ترحـيـب ياطـيـب الـعـشـره = ياحر شعشوع من يومك
في لينه الوقت أو عُسره = نـفـرح بملـفـاك وسلـومـك
بخيتان البشري=
عسـى البقـا لـك والسـتـره = طيب الكرم ساس لقرومك
دربـي بـهـم ضيـقـو مـتـره =يامن على العِرف مفهومك
حمد عتيق اليوبي=
مـاظـن تعـجـز عــن الـدبــره = انـكـان مــن قــرب ولـزومـك
بابديـلـك الــرأي مــن خـبــره = في صبرك الناس ماتلومك
بخيتان البشري=
عزمـي بهـم صابـتـه فـتـره = ورأيك جبل جاء فمرسومك
سـاق الوصـل قـررو بـتـره = و(لاقالـوا) تقـول ونعـومـك
حمدعتيق اليوبي=
دام الخصـم زاد فـي كبـره = بالحق لا ترحم خصومك
لو تشـرب المُـر والصبـره = مايجيك ياغير مقسومك

مدري بقى فالسطور حروف = ولا بقى فالوعد ميعاد
البث عبر الفضا معروف = (لايف) ولمشاهديه يعاد
نشرة بها كاسب المعروف = طالب في كلية الارصاد
خلا النظر وقتها مصروف = عن طقس جو المداين ساد

انا معك بالجسد والروح = ما اشقى السهر لجلك اعياني
معي الجسد لا بغيت اروح = وروحي بقربك و وجداني

تدري متى يالغياب المُر = تصبح مُؤثر في بُعد اثنين
لاصار بهم الشهور تمُر = والعين تشتاق شوف العين