ديوان الشاعر(بخيتان البشري)

ثارت هجوس الفؤاد عناد = وتأثيرها ضاق به صدري
اليا هدأ ذاك هذا عاد = زادوا بي ارهاق في امري

يد البرئي راحت كفوفه = من تحت راس البراءة فيه
عين الذي كل ماتشوفه = عينه ورى دمعها تخفيه

الصدر مايلام من ضيقه = والصبر كنه معه ما كان
كل صعب يعزم لتطويقه = يحول من دونه الحرمان
ساعي وما راد تحقيقه = لازال في عالم النسيان
يبغى من الفرّح تذويقه = يقطع بها علقم الاحزان

وآحرقتي منك لو تدري = اللي سبب كل تعذيبي
ما كان في يوم لي يطري = إنك بتخلف محاسيبي

يالله ياحي تفرجها = مالي رجا بالخلايق نوب
تكالبت كيف بخرجها = هموم 0 من كل حدب وصوب

ياصاحبي قفلتّ بالشيش = والبنج ماينفع الميّت
لاعاد تسأل تقلي ليش = مشاعري كُلها عيّت

بجرحك وارجعلك اداويك = من غير ماتقول محتاجك
زي ماتسوي بسوي فيك = وامدها فترة علاجك

عجزت لا انسى الذي رافقت = على الوفا 0 بعد فارقني
ابكي فراقه بعد فارقت = زوله 0 وفرقاه رافقني

لاتشغل البال بالتفكير = عن غيب الايام مانعلم
ماراد رب العباد يصير = شي انكتب منه مانسلم

ابوعوض =
سلمت يااخوي يابخيتان = شرفـتـنـي دوم بـحـظــورك
مثل القمر فالسما لابـان = كـامــل وكـمـلـت بـمــرورك
بخيتان البشري =
تسلم ويبقى مابين اخوان = درب الوفا الكل منظوره
والطيب يابو عوض عنوان = مساكنك فيه معموره
ابو عوض =
هـاك استلـم رد يافنـان = بــــــــردود بـالـود مــغــمــوره
يـازارع الـفـل والريـحـان = فديار بالخير مشهوره
بخيتان البشري =
أزرع ورود الوفا بستان = بالود فديار مخبوره
منا لكم صادره باقنان = وارد مساعيك مشكوره
ابو عوض =
ياسعد عيني على اللي صان = وارســــــــل لــــنــــا فـــــــــن بـــالـــصـــوره
كـتـبــت لــــك فـالـجـريــده اعـــــلان = عـــنـــوانـــهـــا الــــــــــــروح مــــــســــــروره
بخيتان البشري =
ياراسم الحرف بالإتقان =الطيب ماينتهي دوره
أبشكرك يارفيع الشان = ياموفي القيل فسطوره