ديوان الشاعر(بخيتان البشري)

خذها نصيحة اخو لاخوه = شلة ظنونك تماشيها
كم ضيعو كم قبل نحوه = بالك عليا تمشيها

ياوقت لاجدت أُمورك = ومعها وفانا قطع له شوط
يرجع بنا نقد جمهورك= ونلقى علينا الخطأ محطوط

عجيب هذا وهذاك اعجب = هذا في أسلوب تعبيرك
لكن في أمرك 0 الأعجب = هذاك 0في قِل تفكيرك

ماحسب دوى روحك جروحي= وُ وصفة علاجك دعاوي تقيم
لاتطعن الود في روحي = لأجلك بها والوداد مقيم

بخيتان البشري=
لو كان عن ربعنا غبنا = يبقى الوفا بيننا ماغاب
سلام من طيبهم طبنا = وطيب المعاني باهلها طاب
فايز المحيسن=
يامرحبا من مذاهبنا = وابك البقى مذهب الاصحاب
هذي تراها مكاسبنا = في غيبتك ابدعو الكُتاب
بخيتان البشري=
تبقى وذي من مواجبنا = بعد التراحيب والترحاب
ماعنكم حروف تحجبنا = وإسمع جديدي ومالك جاب
فايز المحيسن=
حرفك ترى حيل يعجبنا = استاذ وانا من الطلاب
أرفع لنا العاج واطربنا = ورسل جديدك مع الاسباب
بخيتان البشري=
طيب النبا بك يحببنا = كني بابو زيد وابن ذياب
فالوضع حنا تعجبّنا = عجيب ؟ واعَجَبَ ! ينال إعجاب
فايز المحيسن=
ياستاذنا يامدربنا = حنا نعرف الهدف والباب
ارجوك مرّر وقربنا = باب الهدف منحجب بحجاب
بخيتان البشري=
نيشان رميك لاتحسبنا = نجهل عن اصحابنا اللألباب
انته وانا ذاك ماتعبنا= اللي وقع بين ضرس وناب

نوارس=
لاجيت ماشي يقول ابغاك=ولآصرت عنده تلاعبي
اللي يحوّم هنا وهناك=كيف الزّمه وارزعه جنبي00 ؟
بخيتان =
لولاه داءه فقد لدواك = ماكان يبحث عن الطبي
لكن خله على ماتاك = يقوم 0ويطيح 0ويطبي

بخيتان البشري=
كيف العمل ياوليف الطير = آلف معه ماولف ليه
يقول مشيك بعكس السير = دايم يرد الخطأ فيه
وليف الطير=
يابو محمد سياسة غير= تفرض على الفرد جبريه
طبع الجفا مجمل التقرير= خلك معه صافي النيه
بخيتان البشري=
في ماقفي ماطرأ تغيير = مع قلب مافيه ماويه
جعلت مالايصير يصير=من قلب يبغى محنيه
وليف الطير=
أنا خويك عليك اشير= فكتاب نطوي لكم طيه
خل الأمل لايموت عصير=للي زرع فالحشا ضيه

هلال حرب=
يابو محمد عسى لاباس=في علم واضح بلا شكه
يبقى الوفاء بيننا نبراس=ثابت وراسي وله دكه
بخيتان =
يبقى جويد البنا له ساس = اللي لك الباب ماصكه
العلم لابان منك 0يقاس = وبشعابها ادرى اهل مكه

مطرز الحرف=
لاستجهد القلب في وده=شقيان بالحيل ومعاني
والود ملزم على صده=كيف التدابير ياأخواني
بخيتان =
الشي لازاد عن حده = قالوه من ماضي ازماني
نتايجه تنقلب ضده = والود ياخوك قوماني

بخيتان البشري=
اللي تعين مدير البنـك = بنك الغلا والهوى والوّد
وقرارها الترقية جا منك = بعد اختلس كيف فيه تلدّ
ابوفرح=
كانه تناسـى ولا ثمنـك = اجعل مابينك وبينه حـد
بكره يجينا ويسأل عنـك = ونقول صف الحساب وشد
بخيتان البشري=
فطين مثلك ولا افطنـك = فيك الكاعة وخوفي حسد
ودّك كما قلت 0واطمنك = اجزاه بالحب 0لد يسـد
ابوفرح=
حذرا من الشك لايجننك = ابوفرح مايجيلك ضـد
واللي مايغني ولايسمنّك = خله بفاله وكب العنـد
بخيتان البشري=
اعـوذ بالله يامشطنـك = ولاخوه مثلك منيع وسد
اعرف رطينك به اراطنك = ياسد واقف عضيد ونـد
ابوفرح=
الضامن الله وانا اضمنك = ان كان تبغى كلام الجد
معدنه ماهو كفو معدنك = واللي على ساس ماينهد
بخيتان البشري=
ميقن بخَبزك وانا عاجنـك = مبلشك ساهر لكنـك هـد
فالصن ماسك ورق محسنك = لاتنطقـه حكـم وملهمـد
ابوفرح=
صبر المودين لايفتنـك = ويفتح لك ابواب ماتنرد
انا نصحتك ومن يامنـك = ضيع لحافه وحافه بـرد
تسمع لمن بالعسل يدهنك = واللي يقديك خان العهـد
بكره رياح الصبا تدفنك = ولاتلتقي من يمـد اليـد