ديوان الشاعر ( حفيد الحجيري )

الجهل .. نعمه .. بلا استغراب=كم جاهلا .. مهتني بـ.. جهله
والعقل .. نقمه .. لذوي الألباب=كم عاقلا .. مشتقي بـ.. عقله

إن كان بعد الفراق وصال=فآآنا مع الوصل والفرقـا
وإن كان بعده رداة الحال=ناجين بحر الهوى غرقـا

عـذب القصايـد .. وردنـاهـا=يومنّ للعذب طعـم .. و.. لـون
واليـوم بعـد اختلـف .. ماهـا=من وِرْدها ما .. صفى .. ماعون

حفيد الحجيري=
عـذب القصايـد .. وردنـاهـا=يومنّ للعذب طعـم .. و.. لـون
واليـوم بعـد اختلـف .. ماهـا=من وِرْدها ما .. صفى .. ماعون
أبو مديده=
وينك عـن اللـي تقّفاهـا=ياللي قصيدك سِحر وجنون
ماكـان واجبـك تحماهـا=قبل إتِّعكّـر وتصبـح دون
حفيد الحجيري=
توقيتنا حسـب مبداهـا=يا من بصفو المثل تبدون
والطيّبه لـو قصرناهـا=وش فايدة عرفنا المكنون
أبو مديده=
لازِلت أنآشِدك مرواهـا=مادِمت في أمرها مامون
لو كِنت مِحتـاط لعداهـا=ماأتغّير الطعم والمضمون
حفيد الحجيري=
تفسيركـم ضـلّ مبناهـا=والعالـم الله بمـا تخفـون
لا شك ما صِبت مغزاهـا=ولا وافق الفكر طرف النون

أذكره .. وأنساه .. ثم .. أذكـره=وهكـذا ... حالـتـي .. حـالـه
ما بين لحظات .. حب .. و.. كره=آموت .. وأحيـا .. وأنـا قبالـه

حفيد الحجيري=
سلام مثل الجبل ياسـرور=يصعب على غيركم يرقاه
أجمل من أجمل بنات الحور=و أحلى من الذوب في مجناه
سرور البشري=
يانجم شامخ سطع بالنور=ياحـر فالنايفـه مربـاه
في برولافوسـط بحـور=ترحيب لابو علي حيـاه
حفيد الحجيري=
دام البقا والوفـا مخبـور=من يمكم ما يزلّ سـراه
والآن ليتك عليّ تشـور=في حال يابو رحم ما قواه
سرور البشري=
يبقى الوفاء بيننا معمور=والكل منا يحث أخطـاه
وتبشربعزك يانسل صقور=لابان منك المثل مغـزاه
حفيد الحجيري=
بنيت له في حشاي قصـور=علّيـت جدرانهـا لرضـاه
واليوم أشوفه يلـف يـدور=ويش أخلفه وش عوج ممشاه
سرور البشري=
وفيت يابوعلـي وقصـور=مـن جانبـه والعليـم الله
والفعل هذا منـه منكـور=منكور بس قوللي وش جاه
حفيد الحجيري=
مد اليمين و مددت جسور=من شان ما تنخجل يمنـاه
ولما اعتلى البني هدّ السور=هـده وروحّ يـجـر الآه
سرور البشري=
إن كان طبعه كذا معذور=في سكة الجهل لاتبـراه
لاصار ساس المكروالبور=يجري مع الدم في مجراه
حفيد الحجيري=
بآخذ بوصفتك يالدكتور=لو كان دائه يسير دواه
والآن يابو رحم مشكور=شرفتنا يا عريب الجاه

اللي تمجرى اللحن ما أنهـاه=ولا اعتـذر فـي مجاراتـه
وش جاه يا صحابنا وش جاه=ما يوصّل الحـرف منهاتـه

الكلمه اللي ما تحماهـا=لا تقولها وأنت منت بقد
احسب لها قبل تبداهـا=ما فيه كلمه بليـا رد

الكلمه .. اللي تجيب .. اللوم=يا لساني .. احذر .. تبدّيها
والكلمه .. اللي بها .. ملزوم=لا .. يا لسانـي .. تعدّيهـا

منهو تواضع بقصد ... الكِبْـرْ=في أصغر .. الشرك .. مستوطن
مثل .. المرائي .. بكثر الذكـر=ما نابه إلّا .. الجما .. ترطـن