ديوان الشاعر(بخيتان البشري)

تركه من المستحيل يكون = ومن سابع المستحيل الامر
ابتركه يستمر 0مايهون = يضيع مني حصاد العمر

ليل الجفى خبِر الساري = إن لي به حقوق مشروعه
صادق معه طول مشواري = ماجبت الاشواق مصنوعه
لجلي في سوق الغلا الشاري = وروحي ثمن فيه مدفوعه
يمكن معك يقبل اعذاري = ويلقى بها نفس مرفوعه !!!

مالك مقاصيد بحروفي = لايخونك بشوفها التفكير
انتا على الراس معروفي = لو ما مضى تهت فالتعبير

مدري هوى البال يبكينا = والا على مفارقه نبكيه
في حال يصعب يداوينا = من دآءنا يصعب انداويه

خالد بن عبيد الاحمدي=
بالطيب ماينجحـد دورك=وبالجود ماقول بك سيّـه
وشلون تعزم ّ على فطورك=من غير شربه وماسيّه


بخيتان البشري=
تُشكر على طيّب شعورك=وتبقى مشاعرك حسيّـه
انته وجودك ومقـدورك=لو غير فولك في تبسيّه


خالد بن عبيد الاحمدي=
بقلابتك فاحـت قـدورك=وتقول عنـدي رومنسيّـه
وماصاب نطّقك ومنظورك=وهذي من البال منسيّـه



بخيتان البشري=
طرقي على طرق مجرورك=وبالعزف وزعتك محسيّه
ماتستمع منـع دكتـورك=في هواية الحُقّ وببسيّـه

بخيتان البشري=
بعد العنا طول ليلي طال = ومعي انتهى فلقة الاصباح
سلام يصدر لكم فالحال = به قرة العين لك ترتاح
المستشار =
صباح مثل الزهر يختال = ينشر عبيره عطر فواح
ترحيب بعد انشغال البال = ياقمة الانس والافراح
بخيتان البشري=
تبقى على طيب الاحوال = ويبقى السعد فيك ماينزاح
كيف العمل لا البخت بي مال = وكل ما ارفعه من عيوني طاح
المستشار =
نشري سعدكم بدفع المال = وترخص لجل مثلكم ارواح
لاشك ما باليدين حبال = ولا حل في يديننا ياصاح
بخيتان البشري=
من طيب حرفك وطيب الفال = والمسألة ماطغت بلحاح
من فاقد الشي انال محال = لكن رأيك يبى الإيضاح
المستشار =
اصبر ولا تقتل الامال = واحسب على المقبلات ارباح
محال تبقى على ذا الحال = وصبرك لباب الفرج مفتاح

بخيتان البشري =
سلام من منطقه واثق = لأهل المواجيب وثقته
واثنيه للوافي 0 العاشق = مبدأ الاصاله وعاشقته
عاشق الاصاله =
علـيـك هــذا الـوفـا لايـــق = حسب الذي منك قدمته
يامرحبـا وذكركـم سـابـق = ترحيب بالمسك عطرته
بخيتان البشري =
يامنبع المنطق الصادق = صِدق الوفا فيك صادقته
قلبي شقي يشتكي عايق = بعد الهوى ما توسقّته
عاشق الاصاله =
انــســتـــنـــا بـــحــــرفــــك الـــــرايــــــق = بــــحـــــلا مــعــانـــيـــك ســـطـــرتــــه
كيف اهتني وصدركم ضايق = اشــقــيــتــنـــي بــــــالــــــذي قــــلــــتــــه
بخيتان البشري =
قلبي معه فالهوى غارق = وقلبه من الوّد غرقته
لكنه البُعد يا عاشق = ولو هو بيدي مافارقته
عاشق الاصاله =
استاد في سلوبك اللابق=مادام قلب الغضي صبته
البعد ماهو ترى فارق = لاسار (ع) ايديك ولفته
خل الرجاء بدربكم سايق= وشوف الصبر زين جربته
ان قلت مقدر ماني طايق= معناته الطب حيرته

بخيتان البشري =
سلام له فالوفا مشيه = مانقصره خُص للوافين
ينصاك والطيب في سعيه = وعاج اللحن بالحضور يزين
مشعل المعبدي =
ترحيب مثل الحيا نشيه = للي فدرب الوفا ماشين
منا لكـم والسفـر حسيـه = وانا معك في قساه ولين
بخيتان البشري =
لك البقا والمثل رميه = نيشان من كاتبه تثمين
ضبي الفلا يالغلا سبيّه = يجوز لو للعيون يبين
مشعل المعبدي =
من بعد بان المثل عنيه=أخذ الأجابه يراع السين
أنكان تقدر على حميه=الطرف غضه يسار يمين
بخيتان البشري =
الصيف لا حان لي جنيه = لذاك الجنى حيل مفتاقين
قدام يلقى الظهر حنيه = حسب العوايد وحسب الدين
مشعل المعبدي =
أن كـنـت تـقـدر عـلــى قـنـيـه = وتلعب معاهم على الحبلين
حـددلـنــا وجــهــة الـقــريــه = ونــا مـعـك نعـمـد الغـالـيـن
بخيتان البشري =
قلبي مع اللي ورى رنيه = رُحماك يارب فالدارين
ماودي اجيب له جريه =وضو القمر نور للسارين
مشعل المعبدي =
أنسـاه وسعـا علـى محـيـه = مـدام عـن داركــم ناحـيـن
والله خـلـق فالبـشـر حلـيـه = قريب ماهو كما الأقصين

كنا سوى نرُود الاصحابي = قدام ذاك الخلل لا يكون
غبت ومعك شوفهم غابي = ماكنهم يالملأ يدرون

ياللي بنيت الصروح 0صروح = لاهل الوفا يوم ماتنهد
واللي صروحه في يوم تروح = ماهي من الشامخة تنعد