ديوان الشاعر/ نداءالغيداني

ردي على قصيدة حالد الاحمدي اعلاه

كان تبغى الاجابه والكلام الصـواب=اسمع العلم يـاراع الجنـاب النزيـه
انت وافي وانا افتح لاهل العرف باب=بالوفاء والشعرواهل الكلام الوجيـه
فك باب الحضور وصك باب الغيـاب=من يبيع الزمان الشيـن مايشتريـه
انت شاعر بخيص وفيك حكمه واداب=المعانـي رفيعـه والجـزل تنتقيـه
وكان حصلت من جور المحبه عذاب=احفظ السر واصبر في رجاء من تبيه
وصلك العلـم ياخالـد ورد الخطـاب=والعتب سكر ابوابـه وخلـك نبيـه

ليه التخلي وليه الهجـر والصـده=متى تعود الميـاه الـى مجاريهـا
علي جار الزمـان وطالـت المـده=اخطيت في حق روحي وانت غاليها
العام عندي هنا واليوم فـي جـده=جداي اقول القصايدبـك واغنيهـا
حاول تعيد النظـر بالحـال وتلـده=تشوف حال(ن)زمن هجرك معنيهـا
يازين حبل المواصـل بيننـا مـده=خل السعاده تبين بوجـه راعيهـا
منهو يـودك ياغالـي لازم تـوده=ولازم تراع الظروف اللي يقاسيهـا
راجع ضميرك ياهاجروالبخت بـده=دام العلاقه سليمـه ليـه تلغيهـا
ياليت صبرك مثل صبري وصل حده=وعانيت بعض الجروح الي اعانيها
حتى ان جسر الهوى تبنيه ماتهـده=بيني وبينك جسور الـود تبنيهـا
انا هـذا مطلبـي عسـاك ماتـرده=عسى تعيد الميـاه الـى مجاريهـا

تعال واجلس معي واشرب من الدله=الدلـه اللـي علشانـك مسويهـا
ماهي على نار قز ولاعلـى ملـه=على صلو جمـر نـار ٍمانطفيهـا
في روضةٍ عشبها متخالـط ٍكلـه=الفرشه الي معـك لـو ماتوطيهـا
وريح النفل والخزامى يبري العلـه=وزهور متشابكه من كثـر مافيهـا
يامرحبابـك وهـذي والله الفـلـه=والجلسه الطيبه من طيب راعيهـا
مهما يطوّل جلوسك معي مااملـه=سوالفـك تشـرح الخاطرمعانيهـا

اتعبت رجلي على الفاضي=بين الحفر والنعيريه
ياحمود لو ماني رياضي=ماتقطع الدرب رجليه
من شهر ذوالقعده الماضي=واليوم في تالي ضحيه
ابحث عن اللي لها هاضي=قلبي0وعيني شقاويه
ريميةٍ تذبح القاضي=لو لاعته لوعها ليه
ضاعت ولاغيرها عاضي=عنقاً جميله و000يه
وعودت والساق به شاضي=من التعب روحه وجيه
الحال من بعدها قاضي=وعبرت في هالهجينيه

لا تحاول تهز القلب ماانتـه بقـادر=لو جمالك يهزقلـوب ذولا وذولا
اعترفلك جمال(ن)فيك من جد نـادر=كامل(ن) بالوصايف صح مافيـك لـولا
في مدايحك هرج الناس وارد وصادر=منك قلب الهواوي دق والعين حولا
بس انا ماعليه وانت عندك مصادر=تعرف اني بليـا قلـب ياهالعلـولا
كان عندي واخذته من بنات الحجادر=ما عطتني بداله غير كاسة كاكـولا

لاعاد تسألنـي ولانـي بسائلـك=خلاص مابينـي وبينـك علاقـه
مضت ثلاث سنين وانا اتحملـك=وفتحت لك في الصدر عشرين طاقه
فيما مضى ملكتني بالهوى ملـك=عندك على مدخال قلبـي بطاقـه
واليـوم لاوالله مانـي مجاملـك=ولاعادبه بينـي وبينـك صداقـه
لالاتراسلنـي ولانـي مراسلـك=لوتعتبرها سـو فهـم وحماقـه
اسف وسوري عندنـا ماتجملـك=ماكل محروق(ن)تـداوي حراقـه
ماكل جرح دواه اااسف و ماتلـك=وش عاد لو معها من الورد باقه
بلسم جروح القلب ساعة مقابلك=ليا عطيته مـن علاجـك ذواقـه

بما اني قسيت في القصيده اعلاه حبيت ارد عليها بهذه الابيات

لجـاك يتاسـف حبيب(ن)مزعـلـك=اقبل منـه عـذره وحـر اشتياقـه
انس الخطا وانس الزعل حين ياصلك=وضيـق نطاقـه لاتوسـع نطاقـه
عامل حبيبك مثـل ماهـو يعاملـك=وزودعلى صاعه بصاعـك الحاقـه
اقبل منه عـذره عسـى الله يقبلـك=مع السامحين المصلحيـن الرفاقـه
وخله يداوي جرح هجـره ويجعلـك=بمواصلـه تنسـى مـرارة فـراقـه
محبوب قلبـك مستحيـل يتجاهلـك=مهما حصل له في الزمان اصطفاقـه
اترك كلام الناس والهـرج والكلـك=وعامل حبيبك فـي حنـان ولباقـه
ترى الزعل مابينكم يقطـع السلـك=ويبقى الرضا عقب الزعل لك شفاقه

ماكل كلمه تقرقع وسط صدرك تقـال=اقفل عليها بصدرك واحكـم اقفالهـا
مافرّق الناس غير الهرج قيل(ن)وقال=غيّر نفوس الاوادم واخلف احوالهـا
كم كلمةٍ خايره تدبل كبـود الرجـال=كلمه ولكن تعـل الكبـد واطحالهـا
وكم كلمةٍ قيل0قالت ياعميلي تعـال=الكلمه اللي تزعّـل مالـك ومالهـا
لا لا تكلم ما دام الهرج ماله مجـال=خلك بحالك وخل الناس فـي حالهـا
قد قيل مايذبح الرجال غيـر الخبـال=كم راح رجل(ن)ضحية كلمةٍّ قالهـا
وقد قيل ماللهبال احيان غير الهبـال=وقد قيل ماللمواقـف غيـر عقالهـا
هذا كلام الرجال اهل العقول الثقـال=والناس ما تقدم الا خيـرة رجالهـا

center]هذه قصيدة الشاعر/عيسى العوفي التي وجهها لي [/center][/color][/size][/font]

أنا يانداء بشكي لك الحال بس ارجوك=تقدرضروفي لاتكبروتنقدني
اعدك صديقي وانت كل العرب حبوك=وأنا عرفة اللي مثل شرواك تسعدني
أنا يانداء قلبي خضر بالهواء مشروك=وياما نصحته بس قلبي يعاندني
لي اسنين آحاول فيه وآقول له يابوك=ترى الناس تنقد قال لي لاتهددني
ومع آخر حدث توه وقع قول له مبروك= نهار أمس بعلمك من قبل تنشدني
بسوق الهرم ضاعت علومي وضاع البوك=جلبني لها مقرود من قبل تقردني
رماني بعينه راعي الملبس المحبوك=تغلب لجل مافيه قوه تساندني
نحيلة خصر عمهوجة صدرها مفكوك=تطالع بعين كن فيها تحددني

وهذا ردي المتواضع ..امل ان يحوز على رضاه ورضاكم

[poem=font="arial,6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

هلا مرحبا بالقاف لجالنا مسبوك=من الشاعر اللي بالجزاله معودني
بعد ما قريت القاف جبت القلم والبوك=وطنشت من هو بالمصالح مواعدني
ياعيسى علشانك نحوك القوافي حوك=اباسرع بمردودي عسى الله يساعدني
اقدر ظروفك واعرف الصح و المشكوك=بعيد(ن) عن المنقود شرواك ما يدني
واعدك رفيقي واعتبرني مقام اخوك=واباعطيك رايي فيك وابغاك تيّدني
انا اقول دايم خل باب الهوى مصكوك=تجنب طريق التهلكه لا تقلدني
تراني وانا خالك بشبك الهوى مشبوك=والى جاء مجال(ن) للمحبه يعقدني
لا تقرب مداهيل الظبا دربها مشيوك=وتجهد قدم رجلك وقلبك وتجهدني

جبـت القـلـم والـبـوك والفـكـر رايــق=وكتـبـت مايذكـرمـن الشـعـر ويـلـيـق
ابـيــات شـعــرٍ قلـتـهـا فـــي دقـايــق=ارتـــاح لغـنـيـت بــعــض الـطـوايــق
انـــا حـصـلـي مــوقــفٍ ومـتـضـايـق=من هاجسٍ ضيق على الصدر تضييق
اسـبـاب مــن عـقًـب بقلـبـي حـرايـق=وكـنـه يـتـل القـلـب بـيــن المعـالـيـق
حـسـبـت مابـيـنـي وبـيـنـه عــوايــق=لـكـن امـامـي ســـد كـــل الـطـواريـق

مجاراة الشاعر سالم ظفر

الحـق عليـه يانـداء الصـدر ضـايـق=لحظه بعد لحظه بدا صدري ايضيق
اهــد وابـنـي مــار تـكـبـر عـوايــق=بين الفرح والروح بـه شينـن ايعيـق
امسـيـت قلـبـي يارفـيـقـي شـلايــق=حـد الرهيـف يشلـق القلـب تشلـيـق
من عقـب مانـي مـن وسـاع البنايـق=امسيت دمعي مغـرق العيـن تغريـق
يالله يــاالــخــلاق رب الــخــلايــق=الطف بمـن جـدواه بـدع الطواريـق