ديوان الشاعر(بخيتان البشري)

ابو مشاري=
الملتقي يئن و ينادي= من بعد ما غابو الخلان
ويقول يا ثمره فؤادي= عودو تراني انا زعلان
بخيتان البشري=
الملتقى يفـوح بالكـادي=ومن غاب معذور لين يبان
الكل فـي واجبـه بـادي=وشرواك للوافية عنـوان
ابو مشاري=
تعيش يذخر الاجدادي = ياللي علا الطيبه سلطان
وربعي كما زند وقادي=وان غابو اعدها فقدان
بخيتان البشري=
ياذيب ياذخر الأجـوادي=لطيبـة مثلكـم نيشـان
وربوعنا ساس الأمجادي=وانته وانا والبقية أخوان

ابو خالد=
سلام يالمجلس العالي = سلام ما يلحقه نقصان
عامين وانتم على بالي = واليوم حظ الملاقى زان
بخيتان البشري=
ترحيب يالطيـب الغالـي=ترحيب ينبض به الوجدان
حياك مـا فيـه متعالـي=فالملتقـى كلنـا أخـوان

وليف الشوق=
كل الاحاسيس تندهله=في داخلي بس مخفيها
مهما تعذبت من اجله=صابرولايمكن ابديهـا
بخيتان البشري=
هذا الهوى يفتري فأهلـه=والروح بالـود يكويهـا
وإن كان ماصار من جهله=إصبـر وربـك يسويهـا

مابين حبل الرجا والياس=مسافـة الـود محجـوزة
شعور في داخلي واحساس=به صورة الوضع مهزوزة

المعذرة ولكن هذه على عجل=
يوم المعاني لها ميـزان=ويوم المواقف لها لابـه
يوم التحدي على البرهان=في حرب شجعان غلابـه
المجد يحكي بهم ازمـان=حروب العـز هـم بابـه
واليوم من داخل الميـدان=البيـرق زيـاد عـلابـه
والعذر جاكم من بخيتـان=ان كان فالشعر ما وفى به

جونا الجموع بجميع الجمـع=وزاد المزايـد وزدنـا الـزود
نـبـع الينابـيـع يـنـبـع نـبــع=ساقت سواقيه واسقى الذود

بخـيـتـان الـبـشــري =
سلام محكور فيـه سـرور=للملتقـى وافـي وصافـي
ودي بدكتـور والجمـهـور=يسمـع لقافـي وميقـافـي
محمد سعد اليوبي =
ترحيب منشور مثل النـور=من قلـب لافـي وميلافـي
ومن خالق الطور والمسطور=تلقى الدواء الشافي الضافي
بخـيـتـان الـبـشــري =
تبقى ومخبـور مابـك زور=مـدك سنافـي ولا هافـي
اللي له سبور عاش دهـور=واليـوم خافـي ومتلافـي
محمد سعد اليوبي =
ايامنـا تحـور ثـم تـدور=مابيـن كافـي ومتكـافـي
ولو دانت الـدور للمذكـور=ماكـان تافـي بالإنصافـي
بخـيـتـان الـبـشــري =
اليـوم مكبـور مالـه دور=طافـي ولنـاس منعـافـي
معناي فبحور حوله سـور=لازال خـافـي وياكـافـي
محمد سعد اليوبي =
لو كان مغمور وسط الخور=وجافي وللنـاس متجافـي
أضن مجبـور لـه ظهـور=ويقفـاه حافـي ومتعافـي
بخيتان البشري=
غنيت مجرور جـو طابـور=لانـي بغافـي ولا اخافـي
حاولت مشكور دون عثـور=خطاه مافـي وهـو يافـي

اثنيـن فأصحابنـا نالـى=مع الوفاء رتبة الأشـراف
مبروك مبروك ياخوانـى=ومشكور ياملتقى الأنصاف

فهد الصبحي=
عيني اسى والاسى فينـي=ومن صغر سني وانا مهموم
اضحك مع الناس يازينـي=والقلب من داخله مسمـوم
بخيتان البشري=
ياللي بكسرتـك مبكينـي=في بحر الأحزان دوم تعوم
يالله يــارب تكفيـنـي=من جو يمطر بدون غيوم
فهد الصبحي=
يالصاحب اللي تواسينـي=وشلون تبكي على محروم
لو جاك نصف الذي فيني=ما كان ذقت الهنا لو يوم
بخيتان البشري=
لاشك حالك مشقينـي=اللي قريناه فالمرسـوم
البحر والله مايروينـي=في هم يقعد معي ويقوم

الصدق والطيب والنوماس=رصيد يبقى مـع الأيـام
أعز وأغلا من الألمـاس=للي يبـى مقعـده قـدام