ديوان الشاعر محمد بدين القايدي (السينات)

لا تعتذرلي

لاتـعْــتِــذِرْ لـــــي ولا تـقُــلِّــي=(آسف) ولا تقول كيف ارْضيك
راضــي بـكـل شــي يحـصـلِّـي=لجْـلـي عشقـتـك ومـيِّـت فـيـك
وكــل الـــذي مـنْــك يـوصـلِّـي=مقـبـول مـنَّـك ولـجْــل عـنـيـك
انـــت حـبـيـبـي وانــــا كُــلِّــي=ملـكـك وعـبـدك وبـيـن ايـديـك

لاسلهم الرمش

ويْلي من الرمش لا سلْهم=خـلاَّ صِوِيـب الغـرام يْـوِنْ
لمَّـا السَّهـم صوَّبُـه تمْـتـمْ=يهْذِي كمَـنْ لابِسينُـه جِـنْ

ذكريات الامس

ذكــرى عُـمُـر فــي ليـالـي أمْــس=يـا مَــنْ عــن الـذاكِـرة مــا غِـبْـت
تسْألْـنـي مـعْـقـول ذيـــك الـنَّـفْـس=تنْسى الهوى بين جمْعة وْسبْت؟؟
يـــا زيـنـهـا يــــا لـيـالــي أُنْــــس=فـيـهـا رأيـــت الـقَـمَـر وانْـصَـبْـت
شُـفْـت الـهـوى فالعُـيـون انْـــدَسن= من يــوم لامــسْ فُــؤادي ذُبْـــت

جامع الحسن

يا مْعَذِّبَ الرُّوحْ في حُبَّكْ= يا مَنْ جَمَعْتَ الحُسُنْ فِعْنَيكْ
تأْمُرْني وآنا تحَتْ أَمْرَكْ= ما آقُلَّكِ الا هَلا وْلبَّيكْ

امنية

نفسي أحطَّكْ وسـطْ عينـي=واقْفِلْ عليك الجِفِنْ لا نِمْتْ
مِنْ خَوْف ترْحلْ وتِعْمِينـي=لأنْ عيـنـي نظَـرْهـا انْـــتْ

اسمع كلام العقل

اسـمـع كــلام العـقـل واقْـــرا=بيـن السُّطـور الــذي تِخْفـيـه
خَـلَّـكْ مــع الرَّاجِـحـة وادْرى=ليْغُـرَّك اللِّـي مَـحَـدْ مِرْضِـيـه
أيَّــــام فـيـهــا لــنــا ذِكْــــرى=يــوم المعـانـي ذَهَــبْ نِغْلـيـه
يــوم الـوفـا بالـوفـا يُـشْــرى=يـوم الحَسَـد مــا نفَـكِّـرْ فـيـه
رَغْم انَّها الناَّاسْ في عُسْرى=كُـــلاً لِـجــارُهْ سَـنَــدْ يِـكْـفـيـه
تِخْفـي يَمِينـه عــن اليُـسْـرى=مــا قـدَّمُــهْ والـــذي يِعْـطِـيـه

عربون المحبة

يامـن لحُسْـن الأدب قطَّـاف=والـرَّاجِـحـة دوْم مـيـزانــك
يا صاحِب الطيب والمِيقاف=يامَن صفا الـروح عنوانـك
انتَ الوَفي كامل الأوْصـاف=ذوْقــك وطيـبـك واحْسـانـك
لايق على منْصِب الاشْراف=كِنُّـهْ مِفَـصَّـلْ عـلـى شـانَـك

محاورة بين السينات والشاعر عزيز الجانب تمت في حلمنا الراقي

عزيز الجانب=
يا رموز فالمعرفة والجاه= يا رجال نبغى نوافيها
سلام مثل الذهب صغناه= معه المودات نهديها
السينات=
راعي الوفا تسبقه يمناه=والطيبة دوم راعيها
باجمل نراحيبنا نلقاه= والبادرة منه نشريها
عزيز الجانب=
كان السلام انتهى مشحاه=نبغى المعاني نجاريها
زكز معي فالذي تقراه=حتى تصدر حكم فيها
السينات=
ابشر بكل الذي ترضاه= ومسامعي لك مصغيها
حسب المثل لا رسمت بناه= اختم لك احكام وامضيها
عزيز الجانب=
خلك معي واسمع المأساه= اللي من سنين اعانيها
والطرف عيا يكف بكاه= من حالي اللي اقاسيها
السينات=
كل حي يعرف خفا شكواه =واسراره اللي يخبيها
اشرح وقلي مسبب داه= حتى نحاول نداويها
عزيز الجانب=
ما تستمع كيف اجر الآه= غصب ظْهرت لك خوافيها
والحال صارت بعد فرقاه= فالهم يصبح ويمسيها
السينات=
دنيا بها فراق ومعاناه= وفيها لقا وحب يتليها
عيش الأمل وانتظر لقياه= واسي به النفس وارضيها
عزيز الجانب=
لو كان يرجع على لاماه= ويعيد ماضي لياليها
لقضي العمر في رجواه=لكن ما هو مسويها
السينات=
اللي في قلوب البشر تخفاه= ما يعلمه غير راعيها
ما تعلم انت الذي اخفاه= ولا تعلم اشياء ناويها
عزيز الجانب=
رسم المثل ما اختلف مبناه=ليه المعاني تلاويها
علم الخفا ما توصلناه= لكن بانت شواريها
السينات الرد الاخير=
ما دام بان الذي خباه= وبانت نواياه وترعيها
اسمع كلام العقل واسلاه=وعالج جروحك وداويها
وش تنتظر من مفارق تاه= فارق حياتك وناسيها
الآن يستلزمك تنساه=وتربا بحياتك وتشريها
ويا صحابنا سامحونا=

في محاورة عزيز الجانب اردف شاعرنا ومشرفنا اسير الغرام وقد كانت محاورة معه بجانب محاورة الشاعر عزيز الجانب وكان الناتج

الارداف من اسير الغرام=
سلام والمشتكى يقفاه= لاحكام عندك مراسيها
كلا حسب ما يرى مجراه= من حاله اللي يعانيها
السينات=
أخوك زي ما تبي تلقاه= نفسه وجودك يهديها
ترحيب في أوله واتلاه= يوصف مشاعر ويغذِّيها
اسير الغرام=
القيل ذا عزَّزُه ملفاه= ريس فالامثال حاويها
اسير هيا استمع دعواه=اليوم نصبك قاضيها
السينات=
منك المثل لا وصل فحواه=نغوص نسبر معانيها
نمضي في غزر البحر واعراه=ونرسي بها في موانيها
اسير الغرام=
كل ما اعذل القلب عن ما اشقاه=والنفس لا عاد يشجيها
تأتي خلاصة جوابه آه= في آه يبطي يواليها
السينات=
القلب عينك سبب بلواه = يشقيه أي شي يشقيها
واحيان تبقى سبب سلواه= يسعد معاها ويناجيها
اسير الغرام=
محرومه العين من رؤياه= واللي شقى القلب شاقيها
لكن فؤادي حفظ ذكراه= يئن والعين مبكيها
السينات=
ابغى اسألك والجواب ابغاه = وافي يفصِّل مخابيها
عنك أمل فالحياة لقياه =واللا الأمل منقطع فيها
اسير الغرام=
القيل واضح لكم مغزاه= فاغصان باحساس بانيها
لو كان وصل الامل منهاه= ماني لك الحال شاكيها
السينات =
دام الامل ما انقطع رجواه= وما دام ذكراه تطريها
صبر فؤادك على طرياه= عسى القدر يوم يحييها
اسير الغرام=
استفحل الوجد وا ويلاه=والنفس ضعفت هقاويها
طال الصبر والزمن ما اقساه= اشواقنا ما يراعيها
السينات المردود الاخير=
اللي وضع له هدف يرجاه= ونفسه يحقق امانيها
لابد يصبر بدون ارضاه=ويدوس ناره ويطفيها
وبدون صبره يضيع ابناه=وتضيع اهداف راجيها
وان كان تيأس قسم بالله= كامل أمانيك تلغيها
ويا صحابنا سامحونا=

محاورة في الامسية السادسة مع الشاعر محمد الكنيدري في المنتدى

السينات=
كملي اعدك اخو واكثر=واحفظ لك الود والتقدير
سلام يالشاعر الامهر=يللي عن الطيبة ماتدير

محمد الكنيدري=
جاني كلامـك وبـه افخـر=واشكر جنابك على التحرير
ترحيب بالمسـك والعنبـر=ومسخرينه لكـم تسخيـر
السـيـنـات=
كان السـلام ابتـدا وادْبـر=نبغى سوا في صفانا نطيـر
قلبي عشق طرفه الأحْـوَر=غيَّر حياتـي معـه تغْييـر
محمد الكنيدري=
انـا لشـرواك ماتـأخـر=ومجهز الدرس والتحضيـر
طرف المحبين لـو يسحـر=سحره ترى بالـغ التأثيـر
السـيـنـات=
كل شيْ فيمن عشقته يسُـر=كامل ولا يعـرف التقصيـر
ماشي معُه في طريق أخضر=وكل يوم زايد حلا وتنْويـر
عندي مقامـك اخـو اكبـر=وودي لكم دائمـا بالخيـر
عسى نخلكـم بعـد اثمـر=ترسل لاخيك فجـده غيـر
السـيـنـات=
خيَّك فـؤاده غـدا مجبـر=يسهر معـه فاقـد التدبيـر
من حيرته للفجـر يسهـر=يصبح ويقوله مساء الخير
محمد الكنيدري=
حيرتني فيـك كيـف اقـدر=ارتـاح ولا معـاك اسيـر
مـادام جـوك منـه عكـر=وضح لنا فالامـر تفسيـر
السـيـنـات=
في خليص حبي بدا يظهـر=نجمه سطع في سماها مْنير
واليوم أرى حلمنـا مُثْمِـر=والحربي باسل لحلمي مدير
محمد الكنيدري=
طايـر فالاحـلام ومشمـر=يدك معي نسطره تسطيـر
محلاه حلمـي قمـر يبهـر=يالله سوى نكبـره تكبيـر
والحلم اصبـح لنـا منبـر=ونقر هـذا الامـر تقريـر
وباسل فمـده لنـا يشكـر=واصيل محمي من التقصير
ويا صحابنا سامحونا=