ديوان الشاعر مشعل سالم النويمي

مشعلِِ) ِوالله مانزيد في نبرة = يجعلك ربي ابد ماتعوق
وافي و طيب ولك شهرة =منك نتعلم ولك حقوق
ابو ياسر) احكم ومنصاع في امره = واللي مضى فالامر ملحوق
القاف ينفك من اسره = واللي نوى غدركم محروق

امانتك باللذي يخليك = ممكن دقايق تسمعني
قلبي وربي تعلق فيك =حرام هجرك معذبني

الناس نزعت بها الرحمة = تبغى تشوف الركل والضرب
الكل واقف عامل زحمة = اللي مافيهم يفك الحرب

سبعة عجايب في دنيانا =والوضع قالب فوقه تحت
الناس بافراح طربانة = بين الحجازي وبين الرست
واللي مسافر بشغلانة = يعني بشغله وهو بالبست
الناس عالذكر غفلانة = دنيا غريبة تجيب الكبت

من بعد هجره لنا اول = جا عندنا يطلب القربة
ذا جرح طول بنا ودمل= خلا حياة النعيم كربة

هذي الجزيره هدف منشود =الله جعل بارضها الحرمين
تهوي اليها قلوب وفود = توفي ركن باركان الدين

من بعد ماكانت الايام = حلوه وجميلة وتسعدني
اليوم جدت علي اسقام= بعد الحبايب متعبني

بعض المشاعر تجي تكليف = والبعض يصدر من الداخل
ماني بحاجة للتسويف = يبقى الصدق والكذب راحل

عد الطريق اللذي تمشيه = واحسب على قد ماتقدر
ان كان ياصاحبي تحصيه = لك ود قدر العددواكثر

اللي يريد السعادة يحل = عن الغرام اللذي فاني
امسك طريق التقى لاتمل=لاتطيع لف العريباني
ايش اللذي يجعلك بتذل=لاترتجي عطف انساني
اترك فنون الهوي واعقل=خليك انسان رباني