ديوان الشاعر(بخيتان البشري)

احترت فاياتها نوي = اللي تسبب فأسقامي
اربع بها ماصفا جوي = عيت تحدد من اعوامي
مدري هو الدرب متلوي = ومرافقه حظ ماقامي
والا هوى ودّ متقوّي = او جرح له وضع ونظامي

بخيتان البشري=
سلام للمستشار اللي = جديد في منصبه توه
مبروك ياليته يقلي= إن كان يسمح لنا جوه
ابو فرح =
يامرحبا عد ماهلـي=وبل الحيا وانتثر نوه
انا معك سيف منسلي=فالحق ماتغلبه قـوه
بخيتان البشري=
تبقى على الطيب متعلي = والقلب يشكي ألم جُوّه
من خل بالحيل متغلي = ويقلي اللي معك سوه
ابو فرح =
سلامة القلب ياخلـي = ماخبرك تشكي وتتأوه
اثرك بالحيل منعلـي = مقفيبك اللي بلا مروه
بخيتان البشري=
كان العشم التقي حلي = مع الذي تلزم الخوه
مالقاه للخل متبلي = والحال يزيد بي سُوه
ابو فرح =
بعد الهوى حل واحتلـي=اسمع ولاتسيـر متفـوّه
الـود مايـود متسـلـي=ولايحتمل وضـع متمـوه
ضمه على جنب لاتخلـي=وماحلا القمر لاكتمل ضوه
اما صفـا والجفـا زلـي=والا على جبهتـه كـوّه

وليف الشوق =
اسبوع ليه ابعرف ليش = مافيكم اللي سأل عني
اما توضح سبب لجل يش = والا على الحق كملني
بخيتان البشري=
بآلله ابعتذر لك بيش = يلزمني الحق لك مثني
ابشر اكمل بلا تفتيش = منك الوفا والجفا مني
وليف الشوق =
تسلم لنا دوم يانبريش = على الوفا كل ماتجني
عساك سالم 0 عساك تعيش =لاهل الوفا ذخر والقني
بخيتان البشري=
ماعاد زادك عليّ تحريش = خاطرك 0 والا احسن اظني
لك قدر يابو مُنى مانيش = عالي ومحفوظ صدقني
وليف الشوق =
غير الوفا عندنا مافيش = وانا انتظر 0 لك مستني
الناقصة ماتأكل عيش = ياللي على الطيب متهني
بخيتان البشري=
الناقصة وزعة الدرويش = ما اشقى بها 0ولي ماتعني
بعض العرب لو نبت له ريش = مايحُول مابيننا يعني
لابد مانطنشه تطنيش = وانته وانا عنه نستغني
ولا كل منهو انفصله فيش = ابنتبعه 0 كان تسمعني

تاه الهوى وتهت في دربي = اللي يودي على لقياه
كل مالمسافات تقربي = ياصل بي البُعد لا منهاه

بخيتان البشري=
لا ياجويد البنا والساس = سلام طيب النبا مبداه
اليوم من عشقها منحاس= كيف العمل فيه يامقواه
فايز المحيسن=
يامرحبا ياصليـب الـراس=ياللي على الطيبـه مبنـاه
مادام جوف الصدر هوجاس=فانت الخليل الـذي تبغـاه
بخيتان البشري=
تبقى وقيستّ فيك قياس = ميز وفكر يالصحيب وجاه
اصبحت من يمها حساس =كيف اعذل القلب كيف انهاه
فايز المحيسن=
هاك القلم وإكتب الاحساس=والقلب لا تحرمه فصبـاه
الجوهر الحـر والالمـاس=نادر وكل العـرب تهـواه
بخيتان البشري=
كل ما اكتب الحرف بالقرطاس = واسترسل الفكر يوم اقراه
القاه يشكي من الافلاس = واستصعبه ماكتب فحواه
فايز المحيسن=
إن كان وانت الذي نبراس = قليل صيد الجزل تلقاه
تكتب وتمسح على كراس = وش حيلت اللي يدوب خطاه
بخيتان البشري=
لقيت الاسباب بين (اقواس) = كل ما انكتب خاطري يمحاه
خايف على خده المياس = شمس الغلا بالوّله تصلاه
فايز المحيسن=
إن كان جوف الصدر مرواس = صدق المشاعر تخط الآه
يسقي حروف الهوى بالكاس = وعذب اللحون الطرب تنصاه

من العام آون من قلبي = على هوى البال من فرقاه
واليوم عليه من غُلبي = جسمي شكى من جميع اعضاه

ياليت عن حالتي تعلم = اللي بها منك ذقت المُر
اشرقت في دنيتي بلسم = واليوم فيها ظلام تمُر

القلب الابيض =
من شان خاطرك يا لغالي=جينا ونسينا الذي قد فـات
مـادام دقيـت جوالـي=لإمثالك انقدر الخطـوات
بخيتان البشري=
مايمسح الاول التالـي=ومافات له بينّة قد جات
للعلم ضُمـان ورجالـي=جاك الوفا وجاتنا الزلات
القلب الابيض =
الاولـة جاتـك ازلالــي=ورحبت واقفيت لي بالذات
ومن بعدها شدت ارحالـى=مبغى المشاكل ولاالهوشات
بخيتان البشري=
الاولـة تشهـد اقـوالـي=وانته تبى الحق في لحظات
تركتني ورحـت طوالـي=لسالم اتقيم لـك دعـوات
وجاك الوفا قول وافعالـي=ولاجبت تثمين فالجـزلات
ولقُصرهـا حـط معدالـي=وكل حجة عليهـا اثبـات

علي العبيدي=
‏​سلام وأنا على خبرك = عسأك باقي على خبري
عليت بالمنزله قدرك = واظن قدرك كما قدري
بخيتان البشري=
‏​ترحيب لاشفت ماسرك =اشوف لخاطري سري
فالمنزلة اعتلى قصرك=وانا معك معتلي قصري
علي العبيدي =
‏عسى البقى والوفا اسرك = وأنا في كف الوفا أسري
مير انت فالمعركه صبرك = لجل ان منهاك في صبري
بخيتان البشري=
‏طيب النبأ لاعتلى امرك =تلقاه من قبل في امري
فالمعركة لاغوى جمرك =لك الضى فيه من جمري
علي العبيدي =
‏​حرفك لدرب الشقا جرك = ولا أنا ينصعب جري
مير ابتعد واتقي شرك = من شأن لأياصلك شري
بخيتان البشري=
‏​من هو علينا كذا فرك = ما حسبّك تقبل الفري
مسكين ادنات ماعرك = ولاشك ما ابغى لك العري
علي العبيدي=
‏​قافك تهاوا على كبرك = وعقلي تضاعف على كبري
حفرت عند الجمل قبرك = ويادوب دوبك على قبري
بخيتان البشري =
‏​حرف الجمل ضيّقه صدرك =وحلمي معك ياسعه صدري
كسرك سهل صعبّه جبرك =ماينجبر غير من جبري
علي العبيدي =
‏​بالعون ما يكتمل بدرك = الين مايكتمل بدري
ومادام جفيت من حبرك = هيأ ابتعد وارتقب حبري
بخيتان البشري=
‏​حبرك مدّون على سطرك =ودونت حبري على سطري
طاب اللحن وانت لك عذرك=وانا محرك معي عذري

باني عليه الامل وطموح= خابت والاسباب مخفيها
لاجله ولِد في صميم الروح =عاش وتربى ونشأ فيها