ديوان الشاعر(بخيتان البشري)

نقرة ولاجابت ذِراها = ما جمّل السوق راعيها
شقى عليها وذراها = ومكاسبه غُرم تاليها

بالعين تبقى ولك قسمي = لاشك مع كثرها يفرق
ياملتقى حرب يالرسمي = ياصرح طول المدى مشرق

راسم مشاعر=
في إدارة متابعـة بخيتـان=والون عودي مُخيف وصعب
يجوز يحسم مـن القيفـان=ويرفع تقارير ضد الشعـب
بخيتان البشري =
لاشك بالملتقى اخـوان=ولايغير اطباعنا المنصب
ما فيكم المفتن الفتـان=اللي يعاوز علاج وطب

اعداد ما فالبحور وما = في برها خلق مخلوقين
واعداد ما فالحرم لما = نبعث من حروف منطوقين
ترحيب فالكيف والكما = يليق برجال مرموقين
نعجز نعبر لهم مهما= قلنا بهم جعلهم باقين
اهل الوفا والنقا اما = في غيرها غير ملحوقين
والوصل يحييك مثل الما=ونبقى عن القطع مدروقين

محمد سعد اليوبي=
أشوف متغيـرة الألـوان=ذا اللون من قبل ما شفناه
الوحدة أخذتك يابخيتـان=والا الهلال اختلف ممشاه
بخيتان البشري=
في عالـم الاحتـراف الآن=وبابداعنا الجهـد توجنـاه
والعرض مغري مع الفرسان=لـو مايناسـب ماوقعـنـاه
محمد سعد اليوبي=
مثلك تحركت في الميـدان=قلت ألتقي لون حتى أنقـاه
شفت المكاسب مع الشجعان=من أول الوقت لين أدنـاه
بخيتان البشري=
مايخدم الحظ بعض احيان = عساك فالمقبلة تلقاه
لوكان مانلت شي كسبان = من بادي العلم لا منهاه

يابسمتي حزة الضيقه = يافرحتي وإنشراح البال
لو خاطري شي ماطيقه = بداخله 0لاهمستي زال

علي عيد=
جزل المعاني بطيّ بيوت=حروفها من شعاع النور
سلام سطرلكم فالنـوت=يامن لكم خاطري مسرور
بخيتان البشري=
من درها نجني الياقـوت=وتغوص الافكار كل بحور
ترحيب طعمه شراب التوت=يامن بكم انشراح صـدور
علي عيد=
قدام ليـل الصفـا لايفـوت=نبغـى لنـا فالمعانـي دور
وعذب اللحن نعزفه له صوت=يطرب ليا سمعه الجمهـور
بخيتان البشري=
لو فات يبقى نهاره قوت = للي في عذباتها دكتور
صفّت حروف المثل في يخوت= موكب بكم امرها منظور
علي عيد=
ماتعوز فالمعرفة لنعوت = لاشك انته بها مخبور
المرء تأتي عليه وقُوت = من جورها خاطره مكسور
بخيتان البشري=
شرواك في صرفها منعوت = وانا في حزة اريد الشور
سكون فيه القضية سكوت = اصحابها في ذهول شعور
علي عيد=
كــــــــلآ فــــحــــــــيـاتـــه تـــــجــيــه بــخــوت = تــيــارهـــــــا لــلــــجـــمـــيـــع يــــــــــــــدور
حـــــزات تــــلـــــفــــي عـــلـــيـــه بـــــغــــــوت = ويـــعــــيـــش مــــن فــعـــلـــها مـــذعـــور
بخيتان البشري=
يقين واقع عليه ثبوت = يفوق وصف الخيال ظهور
غيمة على وقتها الموقوت=منها حمم بالفؤاد تثور
علي عيد=
مــكــتـوب لـلــعـبـد قـــبـل يــمــوت = يــســتــــوفــي الـــحــــق والــمـــقـــرور
لايـــزيـــد نــفـــســه أســى وشـمــوت = ويــــصـــالـــي الـــــهـــم والـــــتــــــنـــور
بخيتان البشري=
مدلولها فوق رؤس بيوت = ويشقى الفكر من عليه تحور
تكررت والامر مكبوت = بالقلب مابين جور وجور
علي عيد=
اشوف علمك ماهو مفلوت=ومثبتـه بعتمـاد مهـور
لو تشغل البال راح شتوت=فكرك وياصل بك المحذور
بخيتان البشري=
اعيش مع حالته مبهوت = اليا حكالي خفى مجبور
البست وفد الحروف بشوت = في ختامها ياعلي مشكور

ابو فرح=
جاتك وفود المعاني صف=وحروفها للصفا تـردح
سلام مني يفوق الوصف=وافي والاوزان به ترجح
بخيتان البشري=
من نبع في قبالها ماجف = جداوله بالوفا تنضح
ترحيب قبل ارتداد الطرف=سباّق للطيب بك يربح
ابو فرح=
تبقى والاعراف لاتنلـف=اجرد لها سيفـك الاملـح
ياكيف اسمي شمله الوقف=وانا زنودي شرر تقـدح
بخيتان البشري=
في قن الاعراف لاتكلف = في لفها اهلها تسمح
من وين حدد اتاك القصف = في بحرها غوص لاتسبح
ابو فرح=
سالم ومعه النويمي لف=فديارهم دمها اصبـح
والبينه ماعليها حلـف=مامونها بالحكم يصدح
بخيتان البشري=
بعض الحسابات تبغى صف = قدام لاتجمع وتطرح
مامونها لا حكم ينصف = اسمك مفعل ومترشح
ابو فرح=
كنت احسبنك شديد وصلف=لاجالـك العلـم ماتطبـح
عوّدت اصفق بكفي كـف=لاشي خسـاره ولامربـح
بخيتان البشري=
اثريك ضايق منقّز بلف = من يوم كيلك بدأ يطفح
لايكون تبغى تكّون حلف = وقمت بيبان لي تفتح
انا اخبر انك مسوي أُلف = عن درب ابو صليب ماتجنح
واليوم اشوفه في راس الكشف=لكن خلك معه اصلح

بطرفها تلد بالعاني = لو قاسي القلب منه يلين
ماكملت عِقدها الثاني = لا زال يبقى عليه سنين

[/quote]

ليل الآسى تنزف جروحه=ونهاره اقفى مع الجرّاح
ومن بعد ماطلْعت روحه = تمتم ونآظر عليْ وراح