ديوان الشاعر ( حفيد الحجيري )

قاف الحجيري يغنيبه=والقاف هذي عناوينه
اللي على العرف يا طيبه=يا زين مبداه يا زينه
والجاهل . الشك والريبه=تعين خصمه و ما تعينه
وقبل أختم القول و أنهيبه=قافاً نظمته لقارينه
للحرف يا أصحابنا هيبه=تحضر بحضرة سلاطينه
واللي سلاحه ما يرهيبه=يبعد ويترك ميادينه

حسن=
الــلـــي بـــــدع قـــــاف واِسـتــعــذر=مـــــعـــــذور . عــــــــــذره يــكــفــيــنـــا
واللي بلا عذر ، هل يُعذر؟؟=يـــــــا حـــــــاوي الـــعــــرف أفــتــيــنــا
حرب=
الـمــرء لابــــد مـايـحــذر=لجـل السلامـات ياخينـا
لـكـن صاحـبـك مـتـحـذر=حاسب حساب الربابينا

الصاحب اللي زعل يرضى = يرضى واِذا ما رِضي نرضيه
لجل الوفا بيننا فرضى = والفرض مفروض ما نخليه

يا عين لو في بُكاك علاج=لجروح فالقلب مخفيها
جعلت دمعك كما هدّاج=حتى الضلاعين يرويها

أقدار شاءت و أبت أقدار=واِحنا لحكم القدر نخضع
شاءت و جا الدار جنب الدار=وأبت ما بيناتنا تجمع

-[/align]

موطنك لنكان ماتحميه=من العدا وكيد حسّاده
ماتستحق الاعاشه فيه=مثل الذي يحمي بلاده

[/quote]

وبالروح لنكان ما يفديه =ويكون سداً لأوغاده
يرحل و غيره يبا يبنيه=ومكانه نسدّه بغاده

يابو علي نوّها من وين = ماجاتك الطيبة توفون
سلام وانته الوفا له عين = لو كان تخطيه بعض عيون
في قصر ودّه بناء دورين =والساس مايحتمل يبنون
صُمم لواحد وحط اثنين =يقول عقله ماينهدّون
يلعب بها في يده بنجين =بلون ميت بيحيي لون
وانا معه كاشف الكرتين = ماهمني بنج له يخفون
مابين الاقواس به قوسين = ماكان( (ياء) (كاف) (واو) و(نون))
معاه يورو بدولارين = بعد اصرفه مابقى مضمون

[/quote]

يا مرحبا ، للوفي وافين=يا محزمي لا أعتزيت العون
حرفك فنظم البنا تثمين=وعرفك فمد الوفا عربون
هيضتني بالكلام الزين=وأشغلت بالي بما تطرون !!
انت وصاحبك بين وبين=بين الظما والروا تسعون
في حال بلحيل متصافين=وفي حال عكس الصفا تبدون
لكن قبل ما نصفّ الدين=ونقول داين و ذا مديون
بنمكنّ الطيّبه تمكين=والطيّبه تعادل القانون
والصف ما يفترق صفين=والرمش ستر و غطا للنون

حرب=
ياشعب..طابت لك الايام=ايحق لك بالملك تفرح
دايم توقع قبل ماتنام=تصحى وتلقى خبر مفرح
الحجيري=
إن كان للقيل فيه نظام=حرفك كما بند له يشرح
ما انلام في حرفكم ما اتلام=أقراه و أهيم به و أسرح

العطيب=

سلام والطيب مضمونك =شاعر وتازن معا نيها
يا أبو علي قًل ياعونك = محتاج منك تداويها

حفيد الحجيري=
ترحيب نثنيه لعيونك=شاعر و تحكم مبانيها
لبيّه ، وش سببّ طعونك=عطنا تفاصيل خافيها

العطيب=
فيك البقى دام مظنونك=والطيبة أنت راعيها
لوقلتها شابت عيونك=لكن باجيب تاليها
حفيد الحجيري=

اليا طرا الطيب يطرونك=والطيبه مد باغيها
قلنا!! وش اللي فمكنونك؟؟=حتى المشوره لك أبديها

العطيب=

وثقت به. قلت مادونك=حتى علم في خوافيها
بين للسرار ويخونك=هرجه مع الناس لاقيها
باعك الناسٍ يبيعونك=برخص ثمن وانت تشريها
والمشكله يوم يفتونك=كيف الاخوه مواريها!؟
حفيد الحجيري=

حذراك ذولا يماشونك=ما طبت كانك تماشيها
وقت اللوازم ما يفدونك=حتى ولو كنت تفديها
خلك مع اللي يوافونك=اللي تقدرّ موافيها
وانته ما غشك نظر نونك=تعرف من اللي تخاويها

قرب هنا ياحسن باغيك = باشكي لك اقرب موديني
اللي من اوّل يقول اغليك = اليوم أصبح مجافيني
كل ماسألته لماذا اشفيك؟ = عن حالته مايورّيني
بالله هذا الأمر يرضيك؟=يابو علي ليت تفتيني

[/quote]

يابو منى اِزهم وأنا ألبيك=لبيّه ياللي تناديني
لا باس جعله فدا عينيك=مخلف معاك الموازيني
كان اغتنى عنك لا يشقيك=لا تشتقي به وتشقيني
وانت تِعَرفنا ما نرضى فيك=حيث إنّه رضاك يرضيني