إلى حفيد الحجيري مع التحية والتقدير

	المشاركة الأصلية كتبت بواسطة حفيد الحجيري

	شرواك ما أكره مشاويره = وفي خوتك ما يجي عذروب ياطيب الخلق والجيره = هيا ابتدي وانت راع أسلوب

والم وجهزت تأشيره = بنتجه شرقها وغروب
والجو لابان تأثيره = للكيف ذاك الحطب مشبوب

هذي تكووووووووووه


بمتصفح الغالين ابو محمد وحفيد الحجيري

لكي استمتع بتذوق الشعر


ياقهوجي هات واحد صافي وبراد ابو اربعه هههههههه


متااااااااابع

	المشاركة الأصلية كتبت بواسطة همس القوافي

	هذي تكووووووووووه بمتصفح الغالين ابو محمد وحفيد الحجيري لكي استمتع بتذوق الشعر ياقهوجي هات واحد صافي وبراد ابو اربعه هههههههه متااااااااابع

هلا وغلا

اسعدني هذا التواجد الرائع

بخيتان البشري=
ترحيب لافي من الديرة = وفالملتقى صادره مكتوب
عطنا التفاصيل والسيرة = راعي شعر والشعر مطلوب
حفيد الحجيري=
من هاجس ما شكى حيره=دام البقا ياهل الماجـوب
يا حاكم الشعر وأميـره=على خطاكم نسير دروب
بخيتان البشري=
ياحاوي الشعر تفكيره = وللعلم والمعرفة مندوب
خلوق راقي فتعبيره= والآن رحلة سوى بنجوب
حفيد الحجيري=
شرواك ما أكره مشاويره = وفي خوتك ما يجي عذروب
ياطيب الخلق والجيره = هيا ابتدي وانت راع أسلوب
بخيتان البشري=
والم وجهزت تأشيره = بنتجه شرقها وغروب
والجو لابان تأثيره = للكيف ذاك الحطب مشبوب

بعد اجتمعنا على خيره = في ملتقى كل أبوه حروب
عجل على القلب وأشيره = هل الهوى ذنب عنه يتوب

	المشاركة الأصلية كتبت بواسطة حفيد الحجيري

	بعد اجتمعنا على الخيره = في ملتقى كل أبوه حروب عجل على القلب وأشيره = هل الهوى ذنب عنه يتوب

لأجل الهدف هاك تمريره = سدد ودرب الهوى مرغوب
القلب بالود تصبيره = لو هو مخاطر وفيه نشوب

	المشاركة الأصلية كتبت بواسطة بخيتان البشري

	لأجل الهدف هاك تمريره = سدد ودرب الهوى مرغوب القلب بالود تصبيره = لو هو مخاطر وفيه نشوب

الود ما أكثر محاذيره= لكن قلبي هوى رعبوب
ما عاد يحسب مخاسيره = يعني كذا ذاب قلبي ذوب

	المشاركة الأصلية كتبت بواسطة حفيد الحجيري

	الود ما أكثر محاذيره= لكن قلبي هوى رعبوب ما عاد يحسب مخاسيره = يعني كذا ذاب قلبي ذوب

ولد البلد تم تغييره = كافيه عنده وكوفي شوب
ولا احدٍ فذا الأمر بيعيره =وبنت البلد عايشة فقروب

	المشاركة الأصلية كتبت بواسطة بخيتان البشري

	ولد البلد تم تغييره = كافيه عنده وكوفي شوب ولا احدٍ فذا الأمر بيعيره =وبنت البلد عايشة فقروب

هذاك شخص بلا غيره = شخص على العولمه محسوب
ماهوب من يشعل النيره = ما دام بدل بجنزه ثوب

حفيد الحجيري


بخيتان البشري


سلمت اناملكم والسنتكم


صح الله السنتكم على الكلام الجميل


لكم ودي وتقديري