أستغاثه

	المشاركة الأصلية كتبت بواسطة حمدي العوفي

	أعزائي الكرا م ... السلام عليكم ورحمة الله وبركاته بما ان موسم الامطار لم يبقى عنه الا ايام قلائل ويدخل الوسم الذي تنتضره العباد والبلاد والذي نطلب من الله عز وجل ان يكون هذه السنه موسما ممطرا انشاء الله وان يغيثنا ويغيث بلادنا وجميع بلاد المسلمين انه سميع مجيب وبهذه المناسبه يسرني ان اضع بين ايديكم هذه القصيده وهي استغاثه نرجو من الله ان يستجيب لدعائنا ودعاء المسلمين . يا لله ياللي عبـاده تطلـب أفضالـه=نطلبـك رحمتـك باولهـا وتاليهـا ماغيرك احدٍ ليا احتجنا رجعنا لـه=يا رازق الارض واللي ساكن فيهـا انك تعجـل علينـا الوسـم بخيالـه=بـاول لياليـه وبروقـه نراعيـهـا ينشي مـن القبلـة ومزنـه ينشالـه=وسحبه تراكـم ورعـاده يخاويهـا تسوقـه الريـح ثـم يهـل همالـه=امطار خيـر ورب البيـت معطيهـا من اول الوسـم تمطرلاخـر ليالـه=خمسيـن ليلـه وهتانـه يساقيـهـا الارض تروى وينقع فوقهـا زلالـه=والاودية تشتبـك والسيـل غاطيهـا على الوطن يضفي سهوله مع جبالـه=وسم على المملكة ويعـم اراضيهـا ينبت منه كل عشب بمحتوى اشكالـه=جميع مالله ومـر بـه تاجـده فيهـا وكلٍ يربع ويفـرح حـول منزالـه=وتنسى المحاويل مابه ناس تطريهـا الارض روض خضر ومزونها ظلاله=تونس اللي علـى الاقـدام يمشيهـا يقطف من ازهارهـا ومريـح بالـه=وهمـوم الايـام تاركهـا وناسيهـا شوف الحيا يفرح الانسـان لاجالـه=عساه ينزل علـى الديـره ويحييهـا يـاالله حقـق لعبـدك كامـل امالـه=ماغيـرك احـدٍ مطاليبـه يلبيـهـا

صح لسانك وتقبل الله دعاءك
وهذا من خير مايقال كتب الله لك الاجر والثواب
قصيدة جزلة ومن خير الدعاء الا وهو الدعاء بالخير لعامة المسلمين
جزاك الله خيرا

الاخ الشاعر عبدالله الفريدي
صح بدنك ومرور اعتز به دائما
والله لايهينك يالغالي

أشكر كل من مر هنا
وصحت ابداانكم جميعا
وبيض الله وجيهكم
والله يرزقنا هذه السنه
بالوسم المبكر أن شاء الله

الله يرزق العباد والبلاد



صح السانك يا حمدي ما شالله عليك انت شاعر جزل ومتمكن

الشاعر حمدي العوفي
صح لسانك
ياراعي الجزله

صح لسانك ياحمدي

وعسى الله يرزق العباد بالحيا وتربع الديار

الله يقبل منك

أخوي الشاعرالقدير

خالد الحصني

وصح بدنك ومرورك اعتز به دائما

ولاعليك زود

الله لايهينك يالغالي

صح لسانـك والله يجيب الخيرر بيض الله وجهك يالجزل دمت بخيرر

الشاعر الرائع
حمــــــــــــــــدي العوفي
صح لسانك ملايين

قصيده راااائعه وجميله

لاهنت على هذا الابداااع

حياك الله ياحمدي
صح لسانك وسلم بنانك على هذه القصيدة المعبرة فعلا انها استغاثة نظمتها في قصيدة والله انك احسنت في ادائها
شعرا معنى ومغنى سررت جدا منها واخذني الشوق للمطر والربيع من قراءتها
تقبل الشكر والتقدير