ديوان الشاعر عبدالعزيز الزويهري

لجـلـي أعــرف الـهـوى قـاســي=مــا يـرحـم الـلـي تـولـع فـيـه
هــذه نصيـحـه مــن احـسـاسـي=احـذر جــروح الــذي تغلـيـه
ماحد من اهل الهوى ناسي= كم فالهوى من جروح اتجيه
حلاوة الود ياسياسي= إنك تعيشه بما يحويه
وين الحلا و الهوى كاسي = اجروح للمهتوي تشقيه
هذه نصيحة يا أعز ناسي = يا عل سيسانها تنجيه

شـــوف الـخـلايـق مــعــي قــــد أيــــش=الـعـيـد تـحـســب لــــه الــــف حــســاب
لــكـــن مــعـــي قـفــلّــت بـالـشـيــش=مـــن هـــم فـــي داخــلــي غــــلاّب
قُدره من الله و لابه ليش = حتى و لو كثرت الأسباب
اصبر لو الهم مثل الجيش = و ادع الولي يفرج الأنشاب

مــن دق بــاب الـعــرب دقّـــوه=و الله يعـيـنـه عــلــى الــدقــه
و الـلـي يـبـا الطـيّـبـه وصّـــوه=يـعـامـل الـنــاس بـالـرقـة
الـلـي عـلـى المرجـلـه ربـــوه=يبـعـد عــن الـوحـل فالـطـرقـه
والجـاهـل الـنـاس مــا يـدنــوه=فـي صـدره الحـقـد والحـرقـه
من سار للطيّبه خلوه = ياخذ من المفتري حقه
ومن لا يراعي الادب حطّوه= عبره لغيره عُقب طقّه

عامين و القلب في الهاده=حتى غدى للنظر مسـرح
حاولت جاهد على اسعاده=و اليا الفرح ما لقى مطرح
اليأس لا تغرز أوتـاده=والحال لابدلـه مبـرح
قوم أنتصب فوق سجاده=الرب ناجه وما تتـرح

يا عل من غاب يافينـا=و يقدّم أعذار مقبولـه
و الا شكينا لقاضينـا=ما دام الاسباب مجهوله
نرجوا السموحه بناخينا=واعذارنا حيـل مخجولـه
كـان الخلـل مـو بأيدينـا=فجـأه لأسـبـاب معقـولـه
معذور غايـب بنادينـا=ولا للبشر فالقدر دولـه
عسـاه ابخيـر ياتينـا=ونعيد يا زويهري الجوله

هب الهوى مع نسيم الليل=ثم صـاح قلبـي بوناتـه
يا ناس من يشتكي من ويل=كيف البصر فـي مداواتـه
لاباس ياللي تباري اسهيل=مايـنـفـع الـقـلـب هـقـواتـه
اظبـط قهوتـك ودلـة هـيـل=لاتصيبـك الـيـوم لاوعـاتـه
من حب خاوى نجوم سهيل = و تزداد في الليل معناته
يالمشتكي يا سقيم الحيل = مالك دوا غير مرضاته

سلام شادي لك ألحانه=يا صلك عالنت مرساله
مرسوم حرفه في قيفانه=قدّام لا نبّـدي القالـه
يامرحبا الورد واغصانه=من طيبكم طاب منزالـه
والمعذره عطل من شأنه=لاميل العلـم واعقالـه
عسى البقا لك بألوانـه=ياللي الوفا دوم تسعى له
مقبول عذرك في ميزانه=و أبغاك في علم تنصاله
الطيب اللي مع احسانه=والحكـم للرجـل معدالـه
والعلم لو يطلق السانه=الكل يبقـى علـى حالـه
القلب يشكي لك أحزانه=و الهم حله وترحالـه
أسبابها اعيون فتانـه=اعيون للنـاس قتالـه
لو يشكـي القلـب خلانـه=لابــد فــي يــوم يعنـالـه
وظل الحواجب وكحلانه=ماهي دليله على ارساله
طفل ٍ دموعه على أعيانه=يا كثر ما يشتكي لخالـه
يشوف غيره من أقرانه=يمشون و المشي ما ناله
لن كان ماهو كما اخوانـه=والخال يدري عن احواله
خـلـه لـربــك وسلـطـانـه=ارحـم مـن العـم واعيالـه

شيبني الهم وأنـا شـاب=من ثقله أمشـي بعكـازه
حتى الامل لا انفتح له باب=لدواه ينصـك و لا حـازه
لجيل الشباب ،، ادعوا شياب=طلابـة افــراح معـتـازه
قلب الفتى من جروحـه ذاب=محمـول للشيـب فجنـازه
الكل لاهي في حاله وغاب=مهموم جالس في مركازه
يا كيف لا كثرت الأسباب=أجلي عن الهم و أجتازه
احرص على رازق الالبـاب=ادعي وتأمل ،، في اعجـازه
وشلون قلب الفتـى لاتـاب=تُفتح ،، له ادروب ممتازة

أنا أحسبن القمر عالـي=أثر القمر بيننا فـالأرض
شفته و شوفه برى حالي=يا ليت شوفه عليّه فرض
مايكفي الشوف ياغالـي=لازم زياره وجس النبض
ضو القمر دوم يحلالـي=واللي ظفربه كثير الحض

اللي يبكّـي عيـال النـاس=لابـد مـا يـوم يبكـونـه
و اللي زرع فالخليقة احساس=من زرعه النـاس يودونـه