ديوان الشاعر(بخيتان البشري)

بعض المعزات ماتنقص = ولآ يجي دونها تحريك
واللي يبى يهزها ينقص = وفنزولها يوم لا يطريك

بخيتان البشري=
سلام يقعد معـك ويقـوم = يأكل ويشرب معك ويبات
لأهل الوفا بالوفا ملـزوم = ومن راح بالطيبة له جات
حفيدالحجيري=
ترحيب يصحى معك وينوم = يسرح ويضوي معك بالذات
للي يمـد الوفـا موسـوم = بالطيب من وافي المـدات
بخيتان البشري=
يبقى الصفا والنقا معـدوم = في غير مثلك رجال ثقات
كيف اتقاضى من المحشوم = سجين فكري طليق الذات
حفيدالحجيري=
ما شفت للطيب طير يحوم = إلاّ أنت يا عالي الهـدات
ما ينوخذ حـق للمظلـوم = من ظالمه دونمـا اثبـات
بخيتان البشري=
كيف أكتب نهاية المقسوم = واللي ظلم ما انكر الحالات
هو الدواء و دائي المحتوم = وأنساه ذآ اصعب الصعبات
حفيدالحجيري=
يا صاح ما ينعطى محـروم =ما به دوا بـدون تأثيـرات
والي رضى ظلم يرضى اللوم = ملزوم يصبر على القسمـات
بخيتان البشري=
زودت فوق الهموم همـوم = ومعالج أهل الهوى جرعات
كلاتنـا للبعـاد خـصـوم = ويبقى الأمل كامل الأوقات
حفيد الحجيري=
حسب الذي قلت يازيزوم = أبديت لك صافي النيات
لو لك دوا عندنا مخدوم = مافي يدينا سوى الدعوات

الكحيلة=
سلام للـو د مـردوده=سلام واصل على حلـه
عطره من العود ووروده=ان وصّله واحـدٍ دلـه
بخيتان=
اهلا مكمـل لممـدوده=مدروس حده على المله
محمول مرسول لحدوده=مدلوله المسك له كلـه

دارت بنا ايامنا دارت=وإحنا بها فالحياة ندور
احدٍ معه فالعمر جارت = واحدٍ قضاها فرح وسرور

حتى نجوم السما تسهر=في بعدها بك تواسيني
وإنت القريب الذي يقهر=معطيك ذاتي وناسينـي

العبيدي=
دآمك على الخط متوآجد=ركز معي واسمع المنقـآل
كلآم بعض العرب وآجد=وان جيتهم جآوبوك جدآل
بخيـتـان الـبـشـري =
دايم وفالصدر انا آجد =هات الذي في ضميرك جال
اشوف بالعين واشاهد = ولاني مكلف لما ينقال
العبيدي=
هيآ استمع مطلع الوآرد=واوزن كلامك على مكيآل
اللي درسله نحو فآقد=ضميره المنفصل .. والحآل
بخيـتـان الـبـشـري =
واردك ماشفت له عايد =ما اصرف جنيهي فسد ريال
رفع الخبر مفردُه راقد = صارت علومه عراض طوال
العبيدي=
يحكيبهآ وآقف وقآعـد=مسكين يآمتآبع الآقوآل
اصبح بعد مآنزلم هآجد=يطرد على خطه الآهوآل
بخيـتـان الـبـشـري =
بعض الحكي ماحوى فايد = مكنونها والرجال افعال
والجيش يحتاج له قايد = تخطيط عنده وسيع البال
العبيدي=
لاصآر للمقفيـه شـآرد=ولجل الموآقيف حط وشآل
كيف امنعه والعقل بـآرد=لآجيت شريه يجينـي لآل
بخيـتـان الـبـشـري =
مادام لعبه معك شاهد=وكل ماعدلت الحمل به مال
سدد ولكن لاتباعد = وكيلين وفه لا جاء يكتال

البيرق المنصور=
سـلام فيـه الوفـا مقـرون=لا تصك من دونه اسموعـك
وان عشت عمرك بدون سنون=ما اضنك تموت من جوعـك
بخيتان البشري=
ترحيب واجب لكم موزون=أهل الوفا بـه يمدونـك
إن مت باقي عليك ديون=ما أظن تحيـا لمديونـك
البيرق المنصور=
تبقى والاوزان مايقرون=والقافيه ترتجي طوعك
ولياك فحروفنا مديـون=وتحسب الناس بطبوعك
بخيتان البشري=
الحرف بوجودها مرهـون=وبدونها يضيع مطبوعـك
طبعي وفا و أوفي الماعون=للناس واللي كما نوعـك

أرعد يمن 0 لآح برقه شام=ومخِيلته بين شرق وغرب
كلٍ يخيـلْ لهـا مـا نـام=ويقول مِنـا بـدت تقـرب

اصدر قـراره وغادرنـا=واخفى الذي خاطره ينويه
ولمـا عرفنـا تفاجئنـا= ايش ذنبنا كلنـا نبكيـه

وبــــل الـغــمــام =
سـلام والقلـب بـه حـره=ياصحابنا والحشـا ملتـاع
واخـاف لـن زاد بالمـره=نيرانهااا تحـرق الاضـلاع
بخـيـتـان الـبـشــري =
ترحيـب حـزة بهـا قـره=يالصاحب اللي شكى الأوجاع
الله يكافيـك مـن شــره=قلب المعنـا وش اللـي لاع
وبــــل الـغــمــام =
دام البقا واسمـع النشـره=وهذي ترى حـزة المفـزاع
وش حيلة اللي زرع بـذره=ولما نمت كل جهده ضـااع
بخـيـتـان الـبـشــري =
زرعـك ويـامـن زرع ذره=لأجله رياح الزمـان انـواع
المتقـي مانـفـذ صـبـره=الله حصـد قبـل يالـزراع
وبــــل الـغــمــام =
ربي أمـر وانتهـى امـره=نافذ على الكـل بالاجمـاع
والمتقي لـو نفـذ عمـره=أهون من الصبـر والاقنـاع
بخـيـتـان الـبـشــري =
المبحـر اللـي يبـى بـره=على سفينة بـدون شـراع
صوت الآسى احـذر تجـره=من يشتري ماقفـه مابـاع
الصـابـر الله مـاضــره=ومعوضه بالأجـر بإرجـاع
لله يـاصـحــبــي دره=اللي لمكتـوب ربـه طـاع