ديوان قصائد الشاعره شوق نجد

لبيه ياقلبن عن الهم كناء = ولا غداله صفقتن بين ضلعين
يزيح هم ويطرب القلب فناء = مايدرجه بالفكر غم وهمين
كل الجوارح بضمايرخفناء= يخفي هزوم جارحه داخل العين
يريح ويريح ضمير(ن)تعناء= بمعاتبت نفسن على الزين والشين
اماءضنونن بالحناجر تثناء= والاخفوقن يصتفق بين نارين
يلعب بي الهواجس لعبن بفناء= ويراودالنفس العليله بحدين
حدن على الدنيا وفيهاوطناء = وحدن يوردني على حد برلين
حياة فيها باالصعايب مضناء= ولاهي بتوفي باالعمركلهازين

اعاتبك بعتاب محبن لغاليه = ازعلك واتحايلك ثم رضيتك
وليف قلبي والغلاباقين فيه = ارتاح لشفتك ضحوكن فديتك
لولاالزعل ماكان للقلب صافيه= ولازاد من كثرالغلاالي عطيتك
اكن لك باالقلب شين وابخفيه = بين الضلوع الحانيه وكربيتك
انت ذرى وسرقلبي وماضيه= انت الغلا الي باالحكاوي حكيتك
لاغبت عن بيتك طفى نور غاليه =وخليتني مابين وينك وليتك
ياما صفق قلبي عليك بخوافيه = وعانيت من فكري ويمك عنيتك
لاتخلي الهوجاس بالفكر يوذيه = وتضيع مني مابغيتك لقيتك
ياما سهرت وابعدت عني كذاليه = وتقطعت سبل الامل واحتريتك

احكي واسولف بلا عبره =ولارحت هليت عبراتـي
بأمـواج للخـد منتثـره =تقل مـن حـد نظراتـي
عثره وياقـو ذا العثـره= تكسر عواطف مسراتـي
في داخل الجوف منحشره=مابين ضلعين كسراتـي
والقلب كنه على جمـره=تكويه عودين سمراتـي
من يوم ودعتنـي مـره=زودت بي كُثر عثراتـي
والا الليالي كفـى شـره=ماهي تلملـم لعبراتـي
دونك ترى الحال منعثره=والعلم جالك بخطراتـي
ترى الخطر وافيٍ شبـره=كسّر جسـور الممراتـي
كله لاجل عين منتظـره=ابيـك تجبـر لكسراتـي

والله اني خايفه بالكثير من الامور = واليالي المقبله كفى الله شرها
اعترف لك باالحياء والادب هو الطهور= نعنبو بنتن كشف باالحياء سترها
والي ماتحسب حساب والدنيا تدور = ودك انك بالمحارق تشب بشعرها
لاكن ا لشرهه على الي كلامه به يدور = لايحلل لنفسه وينزل قدرها
لاتدق الباب يدق بابك باي دور = اعرف انه دايره وتذوق مرها
والكلام الزين ريحته مسك وبخور= باالمباخر والمجالس فايحن عطرها
عود كمبودي باالمبخره على جمره يفور= يذهل الي وفاء ورفع بقدرها

الذيب صارت هيبته مكسوره = يخاف من ضله وهو جوعاني
الجن قدامه يلعبون الكوره = كله تحدي لاشهب الضلعاني
ياالعود قلي ياابو الباكوره = ليش الشقى وتلعب مع الجذعاني
لافات وقتك وانتهى بعصوره = خلك بمكه واطلب الرحماني
والشعر ماهو لك حكم دستوره = كلن يعاير بندقه نيشاني
وانا بنت الشعر بنجد المشهور ه= ولا همني شاعر ولا بهتاني
وكلن باالشعر بياخذ دوره = ويجيب ماعنده حدث اعلاني
وانته تعكز باالعصى المعثوره = خلك معاهم والحق الركباني

يا زما ني لاتحدا ني بشله=خلني فا العمر افرح لوثوا ني
بنت قوم وفا القبيله مستضله=ما اها ب الخوف لو انه حدا ني
من زحول ارجال منبع عز كله=ما درينى عن كلا م السرمدا ني
مل عينن لو تشوف الحرف من له=شا بت احروف الروى ولا المعا ني
لا بغيت الحرف زل الحرف زله=زود هيله والعويدي زعفرا ني
والفيا في نجد ومطا ره مهله=شوفها يفرح عيون المودماني
يا وجود العين ولا العمر كله=مسكنن فيها ولا العمر فا ني

من لا عرف حقـد ولا يقطـه=القدره اللي تقدره مـن يمينـه
واللي حقد لا بـد بقعـا تلطـه=لطه مع الدنيـا تنهـي سنينـه
ما هو ابا ني فالفضا له محطه=الحقد جوره فالمحطـه رهينـه
اللي اليا جفت اريا ق ورطـه=ما هو كاسب ولا يفيد الغنيمـه
والعلم ولا ادراك ما هو خطـه=يقول لهل العلم يا حـا سدينـه
لاهو صدوق ودايم الصدق غطه=مع لطـة الايـا م ولا يمينـه

ها ك المعا ني وشوق البدر موجوده=واترك كلا م الملهي فالخلا الخا لي
سنتين اراقب ورا هم قل من فـوده=اللي على ذم ربعه جا ك منها لـي
هويحسبني حكيمة شعـر بجهـوده=ونا غشيمه وصا به مني اجفالـي
كملي اراقب خيال ورا ح مجهـوده=والحقة مجهوده الا ول مع التا لـي
نا قمت معهـم والا امـال معقـوده=مدري انا 0صبتهم 0ولا تهيـا لـي
واليوم با ن الحجا ج وكثرة اعقوده=وكلن يها جم قريبه صا به اهبا لي
والحمد الله درسـت الفكروحـدوده=في عالم النفس والا وضعنا الحا لي

ا لا يا زماني لا تغني على المنكوس=ولا ترجي المنحوس من بعد ووسواسه
تمر اسنين ولا بقى الا بقى النا موس=ومن لا عرف نا موس لايدرك افلاسه
وبعض العرب يحلم وحلمه كما الكا بوس=وحلمه ما بين النا س ما يعرف اتعاسه
الا يحلوم اليا س والا البقى ها جوس=تروض ترى الا حلا م فا فكا ر غطا سه
ومن لا عرف فا الحلم وش حاله المنحوس= عليه اسوال ويسل العلم من نا سه
وترى فا القبا يل و العرب كلها نـا مـوس=وكل القبا يل مدركة حق عسـا سـه
يعس ولا يطيح الا من رجى مـا جـوس=ويلقى ختام المسك ولا الذهب ما سـه
وانا حا لفه ما الد ولا انضر المتعوس=ومن لا تقيس الرى لا تلد من سا سه

انا فـالحجا ز ونظرة العين للشـرق=والعين من غربي تلـد للشـر وقـي
واحرق عيني من اهزوم الزمن حرق=لازاد دمـع العيـن كثـر الحروقـي
اهزوم في عيني و انا اجاوب الورق=وقرنيـة العينيـن جـرح العموقـي
ابرد اجروحي فابجد الحرف و الطرق=لو كان دمع العين احـرق اطروقـي
احيان احس العين فالكهربـاء بـرق=و احيان اشوف ولاتزيـل البروقـي
اخيل في عيني وا لا با ينـن فـرق=ما عاد اميـز لا النظـر والفروقـي
لو كنت اسرق للنضر و ادرقـه درق=خيال مـن ماضـي وقلبـي شفوقـي