ديوان كسرات الشاعر / عبدالرحمن مساعد بن شريان الجحدلي ( الذراع )

قال الشاعر / طارق حميد الفارسي

صحيح الأجواد ما تبخل=بالجود في كل الأزماني
خلي هجرني و جاني خل=لا يابعد كل خلاني

قلت له

راح الأسى و السعد أقبل=وانا بفرحتك فرحاني
يا معدن الجود تستاهل=فداك مدعوج الأعياني

قال ابويزيد الشاعر / قابل البشري من محافظة عسفان :

قلبي تسارعبه أيامه=مر السحابه عليه تفوت
مدري معه تصدق أحلامه=ولاّ فعمر الزهور تموت

قلت له

سعادة القلب واريامه=ربي جعلها قدر و بخوت
ما راح إقنع من ليامه=ولايفوتك الطارف المثبوت

قال الشاعر القدير الأستاذ / أحمد العمودي

سلام ياللي قعدتوا شام=نهار عنكم تيامنّا
من قلب مدة ثلاث أعوام=لازال معقول ومثنّا

قلت

يا مرحبا يا هلا يا كرام=عزّر بنا مشيكم عنا
سلامة القلب يا مقدام=مد الوفا منكم ومنا

العمودي

عسى البقا و اسمع الأعلام=اللي بلينا بها حنا
ماكر و صاب الحشا بسقام=نجيه منا يجي منا

عبدالرحمن

انصب شباكك وابن خيام=حوّش على الزين لادنّا
القلب لا صابته أسهام=بلا سببها ما يبرنّا

العمودي

حسب الأمل صرت له خدّام=ويامر عليّه و يتمنا
لكن يقول الوعد قدام=وسنين عمري يمرنّا

عبدالرحمن

انت الذي تشكي الآلام=من قلب منصاب و معنا
آمر على باشة الأريام=يرحم عذابك و يتهنا

قال الشاعر/ محمد حسين بن مطيع

سلام والصمد شاللي فيه=أمان ولا جهاد وحرب
أول ملك كان متوليه=واليوم عنه انتحى للغرب

رد عبدالرحمن مساعد

ترحيب مني على طاريه=تقدير من خاطري والقلب
ان غاب مالك يجي واليه=للعز نمشي على كل درب

بن مطيع

عسى البقا طيب نستوفيه=يا جيّد الأصل جد وأب
هل طاوع الشرع مع ثانيه=ولاّ تهيأ أمر يرهب

عبدالرحمن

إدوم يا نور نستفتيه=لعل نورك لنا ما يغب
الشعب راضي ونا راضيه=معروف للكل ومجرب

فوزي قابل سالم الغانمي

سلام وافتح لنا محضر=حرّر إفاده وعطني رد
واطرفي اللي نظر وانضر=عطيب صابه سهم مرتد

قلت له

يا مرحبا من فؤاد اخضر=وافي لكم ياأصيل الجد
احرص على الطرف لاينظر=وحاول ترده اذا انه لد

فوزي

تسلم ولو الحكم ما سر=حتى جرى الدمع فوق الخد
كان الذي كان كيف احذر=واللي مضى كيف باينرد

عبدالرحمن

دمعي جرى لجلكم أكثر=اللي مضالك وصل للحد
نصيحتي لك لا يظهر=لا يبان طاريك فالمشهد

قال الشاعر / خالد عبدالخالق الخلال

يا صاحبي ضاق بي صدري = أمسي وأصبح على الهوجاس
لا وين بصبر على صبري = والقلب زايد به الوسواس

رديت له

لاباس يا صاحبي مدري = باسباب شكواك والهجراس
شاللي جرى واشغل الفكري = وخلاك بعد الصفا تحتاس

خالد

أشرب من المر والصبري = واقول يا خاطري لاباس
بكرا يدور الفلك وشري = وجعل حياتي سعد واوناس

رديت له

إسعى وحث الخطا بدري = وثبت مواطيك يا قرناس
من جد فالجد ما يزري = يكسب سعوده وطيب الناس

الشاعر الكبير / سامي الصبحي من محافظة خليص طلب شريط فيديو لمحاورة حفل زواج بذال فهيد الغانمي المقام في رابغ عام 1411هـ وحضره من الشعراء الشاعر مبروك ابوناب العصلاني أطال الله في عمره على الإيمان و طاعة الرحمن والشاعر حمدان أبو حمراء الغانمي رحمه الله والشاعر حميد أبو حمراء الغانمي رحمه الله و شعراء فحول من قبيلة البلادية و غيرهم من قبيلة حرب و أبطيت عليه وقال :

حسب الهداية السماويه=سلام مع فائق التقدير
ينصا الرجال الصفاويه=باذكره واجمل التعبير

قلت له

يا مرحبا والسعد ليه=يوم اتكلف لكم واسير
ذكراك في البال والنيه=وشكراً على الطيب فالتذكير

وفي زواج مفرج صالح قال ابوفراس الشاعر سامي الصبحي يذكّرني بطلبه :

سلام يابن شرياني=يا راعي الطيب و التكميل
تكفيك يا صقر شيهاني=مني إشارة عن التطويل

قلت له

يا مرحبا قولكم جاني=يا شاعر المعرفة والجيل
من فضلكم هات برهاني=فيه المطاليب بالتفصيل

قال ابوفراس

عسى البقا وابشر الآني=العلم يأتيك يا حلحيل
وعدتني سابق ازماني=وراع الوعد يلزمه تكميل

قلت له

بشراك يالذيب سرحاني=ابشر بزين الوفا والقيل
من صافي القلب و اعياني=ميعادكم ما عنه تحويل

جاني واحد وقال لي إن هزاع بايعطونه ختم وبا يسير شيخ عليكم و ..و .. وأرسلت رسالة جوّال لهزاع أقول فيها :

سلام وافي لابو دانه=هزّاع يااصحابنا هزاع
النفس بالحيل شقيانه=بعلوم ما شرّفت لسّاع

قال الشاعر الرائع العملاق / هزاع بن صالح

ترحيب من صافي الخانه=للّي بطيب الموارد ذاع
لأوزان الأعراف وزّانه=ويش الذي فالخواطر شاع

قلت

معمورنا كان بنيانه=مدّة محمد سعيد وضاع
واليوم رابغ و سلطانه=بايعمّدونك على الأرباع

قال ابودانه

معمورنا عزّب اركانه=اللّي لهم فالمواقف باع
ومن يبذل الجهد في شانه=يبلغ مدى عزّها رفّاع

قلت

معمورنا تم حقرانه=غصباً علينا بلا شفّاع
من بعد رابغ وأوطانه=صرنا على الزير و الإيقاع

قال

معمور عامر بأقنانه=برجال لم يعلنون وداع
تثبيت بنيه و سيسانه=فهل الوفا ما بدا زعزاع

كنت على موعد مع الشاعر الكبير / ماهر بن مبروك العصلاني ( ابوناب ) وتعطلت سيارتي وانشغلت في تصليحها وأرسلت رسالة جوّال أقول فيها :

سلام يا ماهر الميلاف=ياشاعر الظلع والوادي
تعطّل السلف و الحذّاف=بالجمس واختل ميعادي

قال ابوناب

يا مرحبا باللحن و القاف=يا شاعر الملح و الزادي
المشكلة و العلوم خفاف=مكتوب ربك للأجوادي

قلت

عسى البقا يا نجم نيّاف=يا ذخرنا كيد المعادي
لسّاع ميعادنا ما طاف=بعد العشاء وقت ميرادي

قلت

سـلام مثـل البحـر طـامـي=ياماجـد العـز يــا مـقـدام
قولك شبيـه الوسـم سامـي=فيـه الحيـا و الربيـع التّـام

مـاجـد عبدالله الجدعاني

الليـلـه الـعـز قـدامــي=لجلـي أشوفـك معـي قـدام
يـافـن دايــم ومتـنـامـي=ترحيـب يبقـى مـدى الأيـام

عبدالرحمن

لـك البقـا شـاش إلهـامـي=ياراقـي الـفـن و الإلـهـام
لعـل حـاسـدك ينضـامـي=واللـي يواسيـك مـا ينضـام

مـاجـد

كملـي لفـن الشعـر ضامـي=وأبغى أعزف القيـل والأنغـام
ومـادام مِنـك المثـل حامـي=نفجِّـر أهـل الحسـد بألغـام

عبدالرحمن

أهل الحسـد جرحهـم دامـي=يـا كثرهـم باليمـن والشـام
مـن مكرهـم زادت اسقامـي=الحوف منهم عطيـب وسـام

مـاجـد

ألامــك تــزوِّد ألآمـــي=يامِشتكي مـن عنـا وأسقـام
الله عـلـى كــل ظـلآمـي=والحسـد مـن عـادة الظُـلام

قال الشاعر الكبير / محمد بن سويعد الجحدلي

الكونغرس يعقد الجلسـات=منهـار سهمـه و دولاره
أثّر على باقي البورصـات=اللي تهاوت مـع أخبـاره
ذكرت فيصل و فيصل مات=قال النخل نحفـر أبيـاره
ولو شفت ذيك الليالي جات=الفقر نصبـر علـى نـاره

ورديت له

نار الفقر واكتفاء الـذات=في سوقنا أحسن تجـاره
تجارة العولمة هجمـات=لصالح الغرب و ديـاره
مساعي الكونغرس آفات=تخريب للشـرق وآثـاره
فيصل عطى للجميع إثبات=عن قوة الشرع وانـواره