•√♥ ديـوان كسرات الشاعرة شُموخ الحربي ♥√•

{ فوق الثلاثين فـ قصيّر }

*

*

*

وقت الضحى في نهار اليوم=إلجدتـي قلـت أبـا أسيّـر
الصدر كم يوم لـه مكتـوم=محتـاج لـه جـو متغيّـر
ثم إلمحت في عيوني هموم=قالت ورى البـال متحيّـر
قلت الهوى و الهوى مقسوم=ما فيـه مخلـوق متخيّـر
ردت على عُمري المظلـوم=العمر يـا بنيتـي صغيّـر
صغيّره ويـن و المحتـوم=فـوق الثلاثيـن فقصـيّـر

*


*

شموخ الحربي

ملـيـت و الله تـــرى مـلـيـت=مـو منـك مـن كثـر ميلاتـك
تحلف لي تصدق ورب البيت=و تبحـر علـى مـوج زلاّتــك

بخيتان البشري

مــا ظـــنتي بعــد ذا خـليت=يــا مشتكي سقــم حـالاتك
إن كـــان بـــالود لـه وفيَت=لا تبـــدي اليــاس فـآهاتك

همس القوافي

نبغى نترفع عن المحظور=وفالمنتدى القاف نرقى به
على صفا وانشراح صدور=والكل يحسبلـه احسابـه

شموخ الحربي

لا من بغينا العقل ميسور= و الطيب شرّع لنا بابه
و ابن آدم اللي يرد الشور= غيره من الناس أولابه
منزالنا بالوفا معمور = و الهزل ما حي يرضابه
و الفعل بين العرب مخبور= و الذيب مفضوح بأ نيابه

جرح ٍ يخج المشاعر خج=و الجرح كالموت له سكره
بأسباب راع الهوى لا هج=يدمي خفوق الغلا مكـره

أقبلت يا صاحبي و أقفيـت = و أصبحت طارد على مطرود
ما دام في حقكم ما أخطيـت = ليه الجفا والنوايـا السـود

شموخ الحربي

حي ٍ و به روح مدفونه=تحوي بُرود المشاعر فيه
ظالم يعذِّب على هونـه=و الحي زود الألم كاويه

فواز الزويهري

بالطيب يازيد تحيونـه=والجرح يلقى الذي يبريه
الظلم لا كـان ترثونـه=ولا زال باقي أمل يحيه

كنت أحسبك يا ولد عادي=مثلك مثل غيرك من الناس
و اليوم ما يهتني رقـادي=فكري معلق مع الهوجـاس

شموخ الحربي=.
مكتوب جاء و انكتب بكتاب=وثـــق بـــه فـــراق غـالـيـنـا
سِـنـتـيـن و الـثـالـثـة بـالـبــاب=و الــحــزن عــيّـــا يـخـلـيـنـا
طويق=:
يامن حسبة الليـال حسـاب=من نـار وسـط الشرايينـا
اصبر ترى اللي صبر ماخاب=يعوضـه خـيـر واليـنـا

قرار ترشيح من حامد = مثل العطر لا أنكسر ثم فاح
الناس قالوا و أنا صامد = و لابد ندري لجل نرتاح

شموخ الحربي

العود لا ذاق حـرق النـار=ضحّى بعوده لجـل طيبـه
و الضيف لااقبل جوار الدار=مليـون لحيـه تهليـبـه
الجـار منـا يعـز الجـار=ما ناخذ القـول والغيبـه
عدوّنـا لا نـوى يحتـار=يقدم على الموت والخيبـه
حنا هل الطيب مهما صار=ما مننـا تصـدر العيبـه
لو ان هذا الزمن قد جـار=أرواحنـا تحمـل الطيبـه

الشاعر القدير : أبو سالم الرحال

العود لأهل الوفـى مقـدار=معـروف والكـل يدريبـه
يابنت حره ومـن احـرار=اعجبنى الحـرف ترتيبـه
اسمع واقرى لك الأشعـار=حربيه والطيـب تحريبـه
ماهى غريبـه ولاستنكـار=الحـرف راقـى بتهذيبـه
اوقف تحيـه لكـل خيـار=وعذب المعانى انا ادريبـه
اهديك باقه مـن الأزهـار=من حوضه اخضر لك نجيبه

شموخ الحربي

ترحيب يبلغ لكم بإصـرار=وان كان يعصى أبا أجيبـه
لعيون شاعر من الأخيـار=حربي و له قدر ٍ و هيبـه
لا والله ألا لكـم مـقـدار=و ما يلحق الصدق ذا ريبه
يوم ان بعض العرب غدار=وما يامن صحيب بصحيبه
حنا لكـم درع بالأخطـار=مانرتضي فيكـم مصيبـه
و المدح يا شاعر الشعّـار=شهادة الـذوق و الطيبـه