ديوان الشاعر عبدالعزيز الزويهري

لا تحسبون الهوى لعبـه=كل ما زهقتـوا تسلوبـه
الحب يا أهل الهوى نشبه=من جربه يعلـن التوبـه
اصل الهوى صعب من قربه=ماهو كما الماء في شربـه
خطر وماشي كما الوهبـه=واللي وقع سـار اعجوبـه

هب الهوى مع نسيم الليل=ثم صـاح قلبـي بوناتـه
يا ناس من يشتكي من ويل=كيف البصر فـي مداواتـه
لاباس ياللي تباري اسهيل=مايـنـفـع الـقـلـب هـقـواتــه
اظبـط قهوتـك ودلــة هـيـل=لاتصيبـك الـيـوم لاوعـاتـه
الكيف عنّ الفكر بالحيـل=في ود سامي في غاياتـه
بالامس وزنه معي عالكيل=و اليوم يا كثـر ميلاتـه

سلام شادي لك ألحانه=يا صلك عالنت مرساله
مرسوم حرفه في قيفانه=قدّام لا نبّـدي القالـه
يامرحبا الورد واغصانه=من طيبكم طاب منزاله
والمعذره عطل من شأنه=لاميل العلـم واعقالـه
عسى البقا لك بألوانـه=ياللي الوفا دوم تسعى له
مقبول عذرك في ميزانه=و أبغاك في علم تنصاله
الطيب اللي مع احسانه=والحكـم للرجـل معدالـه
والعلم لو يطلق السانه=الكـل يبقـى علـى حالـه
القلب يشكي لك أحزانه=و الهم حله وترحالـه
أسبابها اعيون فتانـه=اعيون للنـاس قتالـه
لو يشكـي القلـب خلانـه=لابــد فــي يــوم يعنـالـه
وظل الحواجب وكحلانه=ماهي دليله على ارساله
طفل ٍ دموعه على أعيانه=يا كثر ما يشتكي لخالـه
يشوف غيره من أقرانـه=يمشون و المشي ما ناله
لن كان ماهو كما اخوانه=والخال يدري عن احواله
خـلـه لـربــك وسلـطـانـه=ارحـم مـن العـم واعيالـه

الليل و الصبح متشابـه=من حال زايد على حالي
من قسوته و علة أسبابه=المر أشوفه كما الحالـي
الـوضـع لابــد يسـعـابـه=وتشوف لك ناس عقالي
لاتـتـرك الأمــر كالغـابـه=ماينـفـع الـشـي طـوالـي

الديرة اللي بدون أحبـاب=شينـه و محـد ٍ يدانيهـا
مكتوب عالي سماها أغراب=و المر مشروب صافيهـا
اكيد طبع الهـوى غـلاب=يجـذب قلـوب ويعنيهـا
والديره اللي بها الاصحاب=ارتاح لاجيت انـا فيهـا

الحب الباقي

سلمت يالغالي و بيض الله وجهك

على جهودك الملموسة امام مرأى الجميع

و ان دل ذلك فانما يدل على اهتمامك و حرصك

في رقي ملتقى حرب عامة ًَ و ملتقى الكسرات خاصة

لك مني اجمل و ارقى تحية

و على عيني و على راسي بالحبيب

سأسعى جاهدا ً لاكمال ما بدأته

دمت و دام ابداعك لنا

وا حرقتي وا عذابي آه = وا سقم حالي من الفرقا
كل ما بغيت ألتهي وأنساه = ألقى خياله معي يرقا
أصعب أمور الهوى فرقاه=في غاية الود ما تلقى
ما ينفع الطب في بلواه=لو كان شيخ الهوى يرقى
يـاصـبـر قـلـبـك عـلــى مــاجــاه=غـيــر الـصـبـر قـلــي وش تـلـقـا
ان كــان صـعـبـن عـلـيـك تـنـسـاه=لابــد فـــي قسـمـتـك تـرضــا

مـا يرجـع الـلـي مـضـى أوقــات=و آعـيـش فيـهـا صـفـا للـنـفـس
مـا يُمـكـن ألـقـى أمـانـي الــذات=و آشوف منهـا القمـر والشمـس
يـاصـاح مـــا يـعــوِّد الـلــي فـــات=الـلــي مـعــه ذكــريــات الأمــــس
أمـانــيَ الـنـفـس فــــي الـجـيّــات=لــو عشتـهـا بالـصـلاة الـخـمـس
مافاد ذكرى الذي قد فات=جدد حياتك بشرع وانس
مع ريم فيها الهوى رحمات=سيد المزاين لطيف الحس

وســط الـحـرم مـنـظـر يـبـكّـي=و القـلـب مـنـه غــدا مـحــروق
مـن الـلـي أشـوفـه لـكـم أشـكـي=مـا كنـي الا بـوسـط الـسـوق
تمشي تشوف الذي يحكي = بجوّال وسط الحرم فالطوق
والبعض شبعان ومْـتكّي = وعند الطواف الخبيث يبوق

الـعـيــد أقــبــل و فــرحــه زاد=مـــن فـرحـتـي جـيــت أهنـيـكـم
دايــم و حـســب الـــذي مـعـتـاد=الـفـرحـه تـكـمـل حوالـيـكـم
باهل الوفى زانت الأعياد=وبالورد واجب نطيبكم
فاح الزهر مع عبير الكاد=والقلب وده يعانكم