سلام مرفوق بالتقرير

القلب ما يقبل التبرير =و ريم الفلا معلق اشعاره
دايم بعكس الطريق يسير = لولا الهوى ما أطلب احضاره

سلام مرفوق بالتقرير = عن حالة القلب و أخباره
عن ما مضى صابه التغيير = داير على حال ما داره
ترحيب عجل لنا التفسير=والوضع بين لنا اسراره
اللي حصل له مع التطوير=والا الهوى أخلف عياره
عسى البقا ياهل التقدير= و القلب بايح لك أخطاره
اللي معه مأسس التعمير = أقفى و لا قدّم أعذاره
مادام ما في الأمر تخيير=تاخذ بالاسباب واقداره
وافعالك اصدق من التعبير=فيها غناتك عن افكاره
القلب ما يقبل التبرير =و ريم الفلا معلق اشعاره
دايم بعكس الطريق يسير = لولا الهوى ما أطلب احضاره
لظبي الفيافي طريقة غير=راقب سلوكه ومعياره
وامشي معه لو بعكس السير=تلقى الوصل حسب منظاره

أتعبني الود بالتفكير = و بان الأسى و بانت أثاره
عطني الافادة مع التدبير= لا خالف النهج باصراره

	المشاركة الأصلية كتبت بواسطة تركي بن بجاد

	بيض الله وجيهكم وصحت السنتكم

أخوي ... تركي


و جهك أبيض .... و صح بدنك


شاكر و مقدر مرورك الغالي و العزيز

	المشاركة الأصلية كتبت بواسطة حميدان العوفي

	عبد العزيز الزويهري بيان الصمت صحت السنتكم و بيض الله وجيهكم

أخوي ... حميدان العوفي


صح بدنك ... و وجهك أبيض


شاكر و مقدر مرورك الغالي و العزيز

	المشاركة الأصلية كتبت بواسطة فواز الزويهري

	الله الله يابو غازي ولا أوصيك يابو محمد على لا وصيك على صاحبنا متاااااااااااااااااااااااااااااااااااااابع

سلمت يا أبو محسن


بدون توصيه الامور ماشية على عدلها


شاكر و مقدر مرورك الغالي و العزيز

	المشاركة الأصلية كتبت بواسطة ابن خيرالله الردادي

	عبدالعزيز الزويهري وبيان الصمت بيض الله وجيهكم تقبلوا تحياتي

أخوي ... ابن خير الله


وجهك أبيض يالغالي


شاكر و مقدر مرورك الغالي و العزيز

عبد العزيز الزويهري & بيان الصمت

صحت السنتكم ، وبيض الله وجيهكم ، واصلوا

نحن معكم متابعين ، دمتم بخير

سلام مرفوق بالتقرير = عن حالة القلب و أخباره
عن ما مضى صابه التغيير = داير على حال ما داره
ترحيب عجل لنا التفسير=والوضع بين لنا اسراره
اللي حصل له مع التطوير=والا الهوى أخلف عياره
عسى البقا ياهل التقدير= و القلب بايح لك أخطاره
اللي معه مأسس التعمير = أقفى و لا قدّم أعذاره
مادام ما في الأمر تخيير=تاخذ بالاسباب واقداره
وافعالك اصدق من التعبير=فيها غناتك عن افكاره
القلب ما يقبل التبرير =و ريم الفلا معلق اشعاره
دايم بعكس الطريق يسير = لولا الهوى ما أطلب احضاره
لظبي الفيافي طريقة غير=راقب سلوكه ومعياره
وامشي معه لو بعكس السير=تلقى الوصل حسب منظاره
أتعبنـي الـود بالتفكيـر=و بان الأسى و بانت أثاره
عطني الافادة مع التدبيـر=لا خالف النهج باصـراره
إن كان ما يسمع التبصير=ومعارض النهج تياره
لْخُضْرَ الدِّمَن فالنظر تأثير=أبعد ولا تغرك ازهاره
تلقى بديله مع التنوير=تنبع من الطيب أنهاره
منهجك ما يقبل التغرير=مثل الذهب صافي عياره

	المشاركة الأصلية كتبت بواسطة صقر المقرح

	عبد العزيز الزويهري & بيان الصمت صحت السنتكم ، وبيض الله وجيهكم ، واصلوا نحن معكم متابعين ، دمتم بخير

أبو هيثم


صح بدنك ... و وجهك أبيض


شاكر و مقدر مرورك الغالي و العزيز