ديوان الشاعر ( أحمد العامودي )

بركان في وسط وجداني=خامد طوال العمر ماثار
ولحظة صدفته ولاقاني=بركان قلبي تأجج نار

يامن سواة العسل ذوقه=يافن راقي وكله ذوق
انام واصحى على شوقه=وأصبحت عايش أسير الشوق

لو عند خصمي من القوات=والجند ضعف الذي عندي
بالعزم والفكر والخبرات=يسير في مستوا جندي

ظلّى قريّب يجي ويروح=خصصت له فالحشى خانة
أبعد وخلّى الحشى والروح= في بحور الاشواق غرقانة

آنا احسب اني بلغت الماد=أللي المودين يصلونه
لقيت سعر الوداد اجهاد=والهجر والصد عربونه

آنا لقيت الهوا لواس= يستدرج القلب باسلوبه
يسقيه حلو العسل في كاس= نهايته مر مشروبه

وا قلبي أللي غدا مخزن=مخزونه الهم والأحزان
كيف أمنع القلب ما يحزن= أللي على حالتي حزنان

صار الهوا حرب بالمدفع= المال ناره وباروده
المنتصر فيه من يدفع = ويبلّغ الود مقصوده

جدة لعل السعد فالك=يا دار الاصحاب واهلي فيك
يستأنس القلب بوصالك= وترتاح نفسي على شاطيك

أحس في داخلي وهاج=كل يوم تتزايد ولوعه
من قلب كل ما سمعت العاج=بيفر وترده ضلوعه