ديوان الشاعر(بخيتان البشري)

بخـيـتـان الـبـشـري =
لأجل الموافى صعيب وصعب=مـع الـذي تـاه فدروبـه
كل مانوريـه غـر الـدرب=عيّا الهدف يتجـه صوبـه
ســـرور الـبـشــري =
لأجل الوفا لأفرغت أنصـب=بعـض الرياجيـل مغلوبـه
شوف الطريق الذي أنسـب=وخل الخُطى فيه محسوبـه
بخـيـتـان الـبـشـري =
أبعدتني كيف منـك أقـرب=واحترت فالـرد وأُسلوبـه
انتـا وأنـا للوفـا منسـب=من صُغرنا وذاك به دوبـه
ســـرور الـبـشــري =
الـي يبيـه الوفـا يتعـب=ما يشتكيـه التعـب نوبـه
أغـد ياصاحبـي تـحـرب=قبـل الشياطيـن ينحوبـه
بخـيـتـان الـبـشـري =
يبغى الوفا وصار له مطلب=في عزلته عـاش غيبوبـه
محتـاج توجيـه ماينكـب=ارسم لي ((أهداف)) ملعوبه
سرور البشري=
رسم الهدف منك يستوجب=ورِقة تعاملك مطلوبه
هداف في ساحة الملعب =ترسم للأهداف بإ عجوبه

ما ينحني رأسي المرفوع = إلا لمن هو خلق رأسي
والله 0 لو الدموع إسبوع = تجري بربي قوي بأسي

خالد بن عبيد الاحمدي=
بنشدك ياسيد السـاده=ياجامع القيل بالابـداع
براد شاهيـك بالعـاده=بالدوش ولا مع النعناع
بخيتان البشري=
الحق فنجالـه السـاده=كيفه لرأسي يشيل صداع
والقيل فـي ذكـر رواده=اقول خالد حسين طبـاع
خالد بن عبيد الاحمدي=
انا اكرهـه سكـر زيـاده=وبالورد عني يزيل اوجاع
وفنجال مع صوت ميّـاده=يجبر هاجوسي على الاقلاع
بخيتان البشري=
مزبوط له عندي ريـاده=وعلى الحطب نكهته لذاع
وميادة الصوت او غاده=إكسين محصولهم إجماع

ياكاتب الحرف من قاريه=احسب على الحرف والنقطة
تابع لخط القلم باريه=مثلك محاسب على الغلطة

ليّا نصينا جويد أساس = فقبالنا مانخبر يصد
حتى ولو يشتكي من باس = إلا الشديد القوي له حد
ولا نظن في حضرته بقياس = قدام عذره لنا ينمد
والعذر اليّا انسمع ينقاس =عذرٍ يعذر وعذر يرد

ما أجرح هوى بال مغليني = ولا هو يجْرِح هوى مغليه
مهما الزمن كان معريني = راع الغلا بالغلا ماعريه

عطاه ربه بلا منة = من مطلع في صدور الناس ؟
يابخت مظلوم بالجنة = الناس من حِكمته أجناس

يارب شفت الذنوب تزيد =ولاني على حالتي راضي
يارب توبة ماعاد أعيد = لذنوب سويتها ماضي

ياورد يافل ياعنبر = يا أغلا غلا عند مغليكم
لو أكتب الحرف ماعبر= تعبير يوفي معاليكم

بخيتان =
الليل ياصاحبي ولمّ =انتا وصاحبك والحقني
اعرفك للطايرة تفهم =وصاحبك ثقيل متوني
سالم البشري=
الليل ياصاحبي ولمّ =انتا وصاحبك والحقني
اعرفك للطايرة تفهم =وصاحبك ثقيل متوني
وليف الشوق=
من امس لابس ومتهندم=جالس على شوق مستني
وانـا لواجبـك متولـم=بس انت اشًر وتامرنـي