ديوان الشاعر مشعل سالم النويمي

لاتفتكر بعد ماشفتك = يرجع صفانا مثل ماكان
ذا جرحي من يوم ماعرفتك = لازال يدمي لحد الأن

هذا الزمن ياما عبنا فيه = والجور اصله من الانسان
يظلم ويسلب ولا يكفيه = و يظهر بصورة رجل احسان

ياكم عشقته سنين أزمان = وكان الوعد بيننا مكتوب
ولما تقرر وظرفي حان = قالو حبيبك غدى مطلوب

بين القلم والدفاتر تهت = بكتب رسالة لمحبوبي
مهما كتبنا ومهما بحت = ماوفيت شوقي فمكتوبي

لما ترقوا لنا اصحاب = فاعلى مناصب ادارية
حتى اللقا خف والترحاب = ماهي الوجيه الذي هية

المثمن

ماكل منه ترقى طاب = بخت الذي يحسن النية
واللي يتواضع مع الاحباب = كسبان مليون فالمية

لولا الهوى ماشقينا يوم = ياليت قلبي ضربله حساب
ماشفت في عالمه مرسوم= غيرالالم والهوى غلاب

مريت لجل خاطر عيونك = ماهمني فأي ساعة الوقت
إن قلت مجنون مجنونك = في كل لحظة أقول اشتقت

حالت مابيني وبينه ظرووف = وصبحت حاير متى انشوفه
كل ماوعدني يجيني خوف = خوف إتكرر لنا ظروفه

دورت في معظم الاوطان = ابغى شبه مثل موطنا
اللي يقارن بها غلطان = قيها حنان وأمن يحظنا

أصحاب نكسب فود وطيب = والكل عندي لهم مقدار
مايوم ظني بهم بيخيب = في وقت سائت بنا الاقدار