ديـوان الشاعر / نفاع محمد السهلي ابوفـــرح

نيران الاشواق

نيران الاشواق وقاده = ووسومها فخد راعيها
عاشت على الصد معتاده = مايوم حنت لياليها

مع الشاعر خالد اللهيبي
.
.

ابوفرح=
جانا خبر من وكالة واس = حصري وبث النبا عاجل
قالوا محيميد في تكساس = ساق البعارين للساحل
خالد اللهيبي=
اهل الابل تتبع النوماس = لو امطرت في نيوكاسل
وحمود واللي معه جلاس = ماعندهم علم بالحاصل
ابوفرح=
ديار الاجناب ماتنداس = لوغصنها بالثمر مايل
حلاته الزمل للعساس = بين المسيجيد والكامل
خالد اللهيبي=
في اللي مضي يرحلون الناس = والكـل عـن ديرتـه حايـل
دايم علـى ذودهـم حـراس = ولوهو لحد الخطـر واصـل
ابوفرح=
ولا زمان الشقا والياس = ولاظن في وقتنا غافل
ومن لاسمع دق للأجراس = جاته صواريخ من كابل
خالد اللهيبي=
انا رسمت المثل مقياس = حسب الذي جابه القايـل
والباقي اللي عليه اقواس = لابد من شرحه الكامـل
ابوفرح=
انا اشهد انك عصابة راس = ماتنكر الحـق وتجامـل
رميتها بين سلك ومـاس = الله يجازيـك يالواصـل
خالد اللهيبي=
ياعزوتي في نهار البـاس = لاخالـط الحابـل النابـل
وقت الحرايب لهم مقباس = سم العـدا لطمـة العايـل
الوضع في مجمله حساس = والشـك مابينـا زايــل
لابد بني المثل بقياس = خوفا على وضعه المايـل

اسم الفرح مقترن باسمي = وانا لطعم الفرح ماذقت
غير الألم والشقى قسمي = وجروح زوّد اساها الوقت

المرايــااا
.
.

يامن تحاشى المرايا خوف = تظهر لك احساس مايخونك
انظر ولاراح فيها تشوف = اصدق من الكذب فعيونك

ذبلت اماني ومات احساس = عايش فروحي ووجداني
واحلام وآمال ماتنقاس = اقفت بها الآم واحزاني

بعد طول غياب
.
.

رجعت لي بعد طول غياب = يعزف لحون الأسى صوتك
ماتدري اني قفلت البـاب = وسارت حياتك كما موتك

على أمـــــــل
.
.

على أمل تستريح الروح = كشفت الاجراح للجـرّاح
غطى جروحي وقلي روح = مالك دوا يشفى الاجراح

كسرة السارق وتفاعل الاعضاء معها

.
.

ابـــــوفـــــرح =
عاجل لاهـل الوفـا منـي = اللي لهـم فالصفـا ميـراد
سـلام مرسـول واثـنـي = قولي للأعضـاء والـرواد
اللي لفـى الـدار ويغنـي = كل يوم يلبس ثياب جـداد
سارق احاسيس من فنـي = وش رايكم فيـه ياالاجـواد
خــالــداللهيــبــي =
ترحيـب ينصـاك متعنـي = يامن بجزل المعانـي جـاد
واللي على الشعر متجنـي = مرصود بالحرف والاعـداد
جاهـل ولا يعـرف القنـي = ولاهو كما حضرة الاستـاد
خليه فـي وضـع متدنـي = وعن حاله ان مانقص مازاد
الــبــحـــتـــري =
عسى حروفـي توصلنـي = يـم الـذي للصـفـا وراد
ترحيـب واسجلـه عنـي = يامن علينـا بحرفـه جـاد
هـذا فعقلـه خلـل فنـي = مفصول خطه مـن العـداد
جاني على النفس متجنـي = ماله فـدار الوفـا مقعـاد
الـبـيـرق المـنـصـور =
عاجل ولا جيـت متونـي = اسرع من البرق والرعـاد
يامرحبا بـك يـا متعنـي = للحـرف والنقـد والفقـاد
وعن الذي قلـت يسرقنـي = ماحد يجهل ثمـود وعـاد
واليـا صدفناهـا متجنـي = ياخذ نصيبه مـن الجـلاد
ولـيــف الــشــوق =
ترحيـب بالهيـل والبنـي = والطيـب لابوفـرح يـزداد
يالمشتكـي جـاي متعنـي = ابشربسعدك علـى المعتـاد
اللـي سـرق شعرمتدنـي = والشعرمثبت عليـه شهـاد
يحكم علـى قـص يدنـي = ويصيرعبـره معـاد يعـاد
فـايـزالـمـحـيـسـن =
ترحيب فالمذهـب السنـي = بالطيب لهل الوفـا تـزداد
وياابو فرح ليـه تستنـي = لا صار نفس الخطا ينعـاد
واجب تخبر عـن الجنـي = وماعاد يرجع لنـا ماعـاد
بخـيـتـان الـبـشـري =
شاعـر وعاقـل ومتأنـي = معروف من خيـرة الـرواد
ترحيـب ليتـه يجملـنـي = ياحـرف قايـد ولا ينقـاد
لك وسم باين على المجني = اللي مـع الجانـي القـواد
ياللي على النايفـة عنـي = مصيود لو يحسب إنه صاد
اســيــرالــغـــرام =
ترجيب مالـه عـدد منـي = ثابي فلين الزمـن وشـداد
اللي على الطيـب لازمنـي = له الوفـا عـادت المعتـاد
ومنهو سـرق شعرمتدنـي = مالـه عندالعـرب مقعـاد
واجبـك تعفوعنـه منـي = عسى بعدهـا معـاد يعـاد

بيبان الاهوال
.
.

بيبان الاهوال مفتوحه = للي دخل عالم الكسرات
نومه سويعات وجروحه = ماتلتئم غير باالابيات

قولوا لمنهو تحدانا
.
.

قولوا لمنهو تحدانا = حنا فوقت اللزوم رجال
وقلوبنا ان كان تعصانا = فصدورنا مالها منزال