ديوان الشاعر مشعل سالم النويمي

يكفي من الصد والحرمان = اللي حصل منكم كافي
ياما شرحنا لكم ندمان = ولا زال قلبي لكم وافي

لاوين ياحظنا لاوين = تجري بنا افقادم الايام
ياهل ترى حظنا فالزين = ولا اتمايل معي قدام

حبيبي هجرك اسى وجراح = خلا الالم يسكن اضلاعي
الحب ماهو لعب ومزاح = انظر فحالي لنا وراعي

قال المثل والمثل نوماس = يبقى مع الوقت وسنينه
منهو يحقر ايقل الناس = ذا شخص ناقص فتكوينه

مشعل

ماعاد لي فالهوى لزمة = مادام كل الأمل مفقود
فالقلب سبب لها ازمة = والحب اهات به ولهود

الحب الباقي

ياصاح لابد من حزمه = جور الليالي عليه إتجود
القلب لابد من عزمه = والنبض بكرة عليه إيعود

مشعل

النفس فالدين ملتزمة = والحظ دايم معي مقرود
ياكم صرفناه بالرزمة = والدرب دايم لنا مسدود

لاشفت فالوقت فيه ساعة = فاضي وحاير بما تقضيه
فوز به وخليه فالطاعة = صلي وسبح لجل ترضيه

ماعرف اواعد وانا كذاب = من خوف نفسي إتبلوابه
القلب مثل اللبن لاراب = ابيض وصافي غشش مابه

كل مالتمس عذر لاحبابي = زادوا فهجري وزاد البعد
كان الأمل يوصلوا بابي = حتى الآمل ضيعوا والجهد

لاتشتكي جرح قد صابك = خلك مجاهد على صبرك
مادام درب الهوى جابك= مايطيب مهما كتب حبرك

قالوا الصبر والصبر طول = ولا انقضى شي فاحلامي
درب الحزن مر من أول = وحظي الردي شفته قدامي