ديوان الشاعر عبدالعزيز الزويهري

الحب بلسم علـى العشـاق=الحب نعمه على الإنسـان
الحـب نـاره مـع الأشـواق=الحب موته من النسياااان

أحيانا ًالبعد لـي راحـه=و أحيان فيه الألم لا حول
ما بين هذا و ذا ساحـه=أهيم فيها بعرض وطول

لحظة لقايه مع المحبـوب=ضاعت حروف الهوى مني
ظليت في الموقف المرهوب=حتى اختفى زولهـا عنـي
لوكان شوقك شهد مسكوب=تبقـى حروفـك تجادلنـي
ماهمني لـو تجـي مهيـوب=يكفـي عيونـك تغازلنـي

وا قلبي اللي تولع فيـك=و انت عنه ملتهي دايـم
كل ما سعى بالوفا يرويك=ألقاك عن جرعته صايم
قلبك وفي فالملا يشقيـك=وتظل طول الدهـر هايـم
لجل ايش رغم الوفا جافيك=من شان نوصف لك اللازم
مدري و لا أدري عشان أوفيك=باللي حصل فأمـري العايـم
كل ما سألتـه يقلـي هيـك=و يطير فوق السمـا حايم
أخذ لسانك على غاليك=ولازلت في جوك الغايم
ارجع لقلبك وهو يفتيك=لجله معه فالسما هايم

دمعة على خدهـا سالـت=شبـت حريقـه حوالينـا
صاحت و نادت و ثم قالت=ضعنا و ضاعت أمانينـا

يا من فـي قربـه تولعنـا=و عشنا معه أجمل اللحظات
اليـوم مـن بعـد فارقنـا=ذقنا الأسى في صميم الذات

سلااااااااااااام يا اصحاااااااااااااابنا
عتاب خفيف و بسيط اخو لأخوه .....الى ( وهج المشاعر )
و وهج صاحب و عزيز و غالي و على قولتهم حسبة أخوان
دعوته للملتقى .. فلبى الدعوة .. و جاء و أنا مدري عنه
بالأمس القريب اكتشفت وجوده بيننا .
و للمعلومية فقط وهج المشاعر .. هو ابن الشاعر
مخضور بن يحيى بن عبيد المجنوني
الذي سأعد ديوانه في ملتقى دواوين شعراء الكسرة

ياللي علينا حجبـت النـور=و أخفيت اسمك و عنوانـك
لجل أيش و انت ولد مخضور=و ما كني واحد من اخوانك!

وهج المشاعر
والله يابو عزة عتبك على العين والرأس واللي تامر به حاضر
وأمام الجميع بالملتقى بس قبل لا تطلب شيء
أسمعني
واسألني ليه سويت كذا
أنا والدي رحمه الله يعشق الكسرة وله صولات وجولات مع كبارها أمثال مفرج السيد وبنيه العروي على صفحات تضاريس و شموس ، وأنا لم أكن إلا قارئ أو مستمع أو مخربش
فلما عرضت كسرات لي عليك دعوتني فلم أتردد ولكن ترددت في وضع اسمي الحقيقي خوفا من قولة (( النار ماتعقب إلا رماد )) أو يلحق والدي شتيمة بسببي لذلك أخفيت اسمي أما وهج فسرقته من برنامج وهج المشاعر الذي يقدمه الدكتور عبدالرحمن العشماوي ,,,,,
الآن لك الحكم أو أي أعضاء المنتدى على ما فعلت معك وأنا أرضى بالحكم
ولك عذراً

يا من كلامك هتك مستور=أعييتنـي بيـن خلانـك
مخضور شاعر وأنا مجبـور=ماخفيت اسمي على شانك

وافي و لا جاني منك قصـور=بالعكس عندي اعتلـى شانـك
شاعر و لك في المعاني حضور=و كل ٍ تغنـى مـع اغصانـك

ما قلت يبقى دهر ودهور=وفي القلب أسست أركانك
مشكور يا حضرة الدكتور=يبقى على الصدر نيشانك

في بُعدَك الليل يا طوله=فيه الألم من ألم فرقـاك
حتى مكاني وما حولـه=حزين عايش على ذكراك
غاب الفرح واختفى زوله=والقلب كله أمل يلقاك
حزني مدينة كبر دولة=أعيش همي بلا دنياك

يالعين شفتي و عنيتي=لا عادها الله من نظرة
ما يوم بالشوف قريتي=عجزت للقى معك دبرة

سلام فيه الوفا ممدود = يا اسم بين العرب مشهور
ما نحتري في نباك شهود = انت لنا بالوفا مخبور
و أرسل لك الحرف بالمقصود = من فكري اللي عناه الجور
بي جرح في داخلي مولود = أزرى على معالجه الدكتور
داه المفارق و حوله جنود = يسعون حتى طفولي النور
يا كيف أبسعى لأمل مفقود = و أحرر الخافق المأسور
يامرحبـا فـاول المـردود=ترحيب عطره عبير زهـور
باعداد من يعبـد المعبـود=واعداد خط القلم في سطور
بعدّ الرهى الوافر المعهـود=اللي مابين العـرب مذكـور
مادمت يائس من المـودود=وضاع الامل في غزير بحور
اقنع.جهتهم لاعـاد تـرود=ولاتكون في دائره محصور
شوف الذي لابذلت ايجـود=تقضي حياتك معه في سرور