ديوان الشاعر / تركــي الجـــابري ( أبووافي )

لحظه وتسوى ثمان أسنين = من نظرته عادت الذكرى
ناظربعينه وأشوف السين = يجــرح شفــاته ولا يقوى

أحيان أشوفك سما ونجوم = وأمد فيك النظر ساهي
واحيان أشوفك ظنا محروم = عن الملا مبتعد لاهي

بيــن المعاليق وسط الجوف = شبيـــتها نــــاوي الفرقى
بحكم التجارب وحكم الشوف = لو جات من بعدها غرقى

دار الهوى في مدارك دار = مثل السمك خارج ابحوره
وشلون يـبقى معـك بصرار= وأنــته ولا تــفهم اشعوره

أنساك أبنسى عجزت أنسى = كيف البصيره عجزت أنساك
أصــد وألقـــــاك لي مــرسى = يـــا دبـــرة الرب في بـــلواك

ربيع مايكتمل فصلك = تعبث على قلب هيماني
لاتهمله قلب مخلصلك = أسير ماله وطن ثاني

بين الحنايا نزيفه طال = متعلق اسنين في جاله
مل الصبر فاقد الآمال = ومع دورة الوقت يرثاله

0

0

0

0

0

0

0

0

القلب من غيبتك ملتاع = والهم زاده ومشروبه

بين الحنايا وقف مرتاع = تايه والأقدار مكتوبه

مسلسل بديته معك غلطان = ظنيت فيك الوفا بدري
سيرة وفا ضمها الحرمان = عنوانها جرح في صدري

كان الأمل دوم قدامي = واليوم غادر وطب الياس
كله سبب جرحي الدامي = بين الحنايا سوات الماس