ديوان الشاعر حمدان الوافي المحمدي ( عاشق الاصاله )

ليت المرض مرك وعداك=غافل ماشافك وجاء يمي
ما ودى انه يجي شرواك = يافرحتي انت ياهمي

لجل غلاوتك ماسيبك= مادام يجري في جسمي دم
تفرض محبتك من طيبك= والي سواتك ترى يخدم

ليت الهوى ينشري وينباع = لا اريح القلب وابيعك
وارحل ودور على مرباع =ومن الندم عض اصابيعك

هذه مراديد عن طريق الجوال احببت ان احفظها ذكرى من اساتذة الشعراء
واليكم هذه الدرر وما انا الا بتلميذ لهم واردت ان اتحفكم بها

عاشق الاصالة=
اكتب لك المشتكى وابكي=من كثر مبكي معاد اشوف
في حال صعبه ومرتبكي=عزربنا ناسي المعروف
امير الذوق=
لك يالموافي جبل وركي=امحصينه بسته سيوف
ذا جيل هندي على تركي=مهما كسيته حرير اوصوف
طالع الغانمي=
تشكي لمن مثلكم يشكي=ماكف جرحه يزيد نزوف
يدبك على جرحنا دبكي=لان اصبح الجرح لي مألوف
ابو فياض النويمي=
ماتلام ياللي لنا تشكي=من حال خلا الدموع تروف
ان مارجع بعد ماتحكي=الصبر في حالتك مخلوف
عبدالعزيز الزويهري=
عن فايت الوقت لا تحكي=خفف على طرفك المكفوف
خله لزمان الشقا بلكي=يعود للمرجع المألوف
محمد بدين القايدي=
راعي العقل يسمع المحكي=ويفيدك الآن فالمصفوف
والنقص راعيه مايزكي=لجله نذل ماعليه حسوف
مسلم المحمدي=
لاعاد تشكي ولاتحكي=لو صرت باخطر خطر محفوف
بعض البشر قط مايزكي=يطعن غدر فالقفا بسيوف
حمود الوافي =
من قدم الطيب مايشكي=لو كان ماثمنه مخلوف
وناكره لاش مايزكي=عندك وعندي عنه معروف
مسعد الشطيري=
كثير من مثلكم يحكي=براعي الطيبه مخلوف
ولا عاد في جانبه تتكي=يبقى على ماحصل مكسوف
عبدالرحمن همام القايدي=
القيل فالمشتكى شكلي=خارج عن النص المألوف
سايس امورك معه رسمي=ام صفا او يكون وقوف
قادم من بعيد=
لاتتعب النفس لا تشكي=ياحروف فيها جمال حروف
على الوتر عزفكم يشكي=على مقام الصبا مألوف
والان اسمع لابو تركي=لان وضعك معه مألوف
اللي طرفك منه يبكي=ولاشفت طيبك معه مخلوف
انساه ياصاحبي وتكي=لان مثله ماعليه حسوف

تعال عجل بلا تجريح=اتلفت حالي بهجرانك
من جور مابي لقمت اطيح= مشتاق نظره لاعيانك

فاض الصبر هاتو علاجي=وينه طبيب الهوى نبقاه
الجرح وسط الحشاء لاجي=مجاحده مير مانقواه

بكتب نصيبك من الميراث=القاف والمرجلة والود
لجلك ينايف من الوراث=أظنها وانا ابوك تسد

أكتب على الصخر ويجاوبك=حربي انا والوفا دربي
وقت الله الله ترى يعجبك = لاقال قول وفعل حربي

اجامل الناس ياقاسي= وبانت بي جروح مخفيه
الحق قبل لاالفظ انفاسي= يالي بك الروح مابليه

قابلت صدفه زعيم الروم=في حي الاجواد متعدي
الوسط قضبه ومشيه زوم =في مشيته يقول من قدي
ناديت ماترحم المحروم=محروم سار الزمن ضدي
قالي مشينا ويالله قوم= مادامك محب ومودي
جلست فى ضيافته لى يوم=كل مازهم قلت ياودي
صحيت اثر العلوم احلوم=حطيت يدي على خدي